السلام عليكم يا فتوكات
انا بصراحة وللاسف اول مرة اشارك فى فتكات
انا كنت عيزاكم تساعدونى ضرورى لانى مريت بظروف صعبه والحمد لله
انا ليه سنه ونصف وانا تركه الوسيله ولم يحدث حمل ولكن من ثلاث شهور كنت حامل وانا كنت باخذ منشط وعملت متابعة تبويض والدكتور ادانى هرمون البروجيستروت فى ايام التبويض معرفش ليه وفعلا اتأخرت الدورة وفرحت ورحت للدكتور بعد اسبوع من تأخر الدورة وقالى مفيش حاجة باينة فى السونار وقالى اعملى تحليل وظهر التحليل ايجابي وقالى مبروك انتى حامل .
قلتله ليه مش باين فى السونار قالى عادى يمكن الحمل حصل متأخر وقالى تعاليلى بعد 15 يوم وكان مدينى مثبتات كتير حقن وبرشام واسبرين رغم انه مبانش .
المهم رحت بعد 15 يوم وقالى البيبى بان فى السونار وقالى اد الكيس بتاع البيبى كمان ( رغم اننى لم ارى النقطه السوداء التى تظهر فى الشاشة ) وقلت للدكتور انى مش شيفاها قالى لا دانتى مش واخده بالك انا شيفها كويس وانا قلت اكيد الدكتور عارف اكتر منى وسكت وكررلى العلاج تانى وقالى تعالى بعد شهر .
معلش طولت عليكم بس انا حبيت احكيلكم مشكلتى بالتفصيل
المهم كنت عند والدتى ووجدت بقعة دم فقلقت والدتى وقالتلى تعالى نروح لدكتور تانى غير اللى بتابع معاه
ورحنا وهناك صدمت لان الدكتور اخبرنى ان الرحم فاضى
وكنت فى حيره وقالى اعمللى تحليل رقمى وعملتة وطلع 1850 ورحتله تانى قالى نعمل سونار مهبلى علشان نتأكد
وبعدين قالى اعمليلى اشعة فوق صوتية
ورحت وهناك كانت الصدمة الكبرى ان الحمل خارج الرحم وعملى نزيف فى الحوض وانى لازم اجرى عملية قيصرية فى نفس اليوم قبل ما ينتشر النزيف .
وكنت مرعوبة جدا وفعلا عملت العملية والحمد لله على كل شىء
وكنت اول مره افتح قيصرية لانى ولادة ابنى كانت طبيعية والحمد لله
وانا مش زعلانه لانى عارفة ان كل شىء نصيب واكيد ربنا رايد لى الخير والاطفال دى رزق من عند ربنا
المهم انا مشكلتى انى خايفه انى يحصل معايا حمل خارج الرحم تانى لانى قريت على النت ان بيحصل بنسبة اكثر عند اللى حصلهم قبل كدة
وانا نفسي حد يفدنى اذا كان حد حصله كده من قبل ولو كان فيه هناك طرق وقاية
وجزاكم الله خيرا ياريت تردوا عليا ضرورى لانى قلقانة جدا
وادعولى بالله عليكم انى يرزقنى الله بالذرية الصالحة فى القريب العاجل
اسفه على الاطاله وشكرا
مامة عمور مامة عمور 772393_2.gif فتكات حبوبة Fatakat 772393 قنا – مصر
سبحان الله و بحمده