بسم الله
والحمد لله
والصلاه والسلام على رسول الله عليه الصلاه والسلام
السلام عليكم ورحمة الله وبركاتة
زى العنوان ما بيقول
*حاملة المسك* حامل !!!
طيب ما معظم الستات بتحمل ايه الغريب
ممكن منا نفسه تحدثه بكدا
ومن جواه وهو بيشوف خبر حملى ان دا عادى
بس انا رسالتى انهارده لناس معينه
ناس انا حاسه بيهم
وعرفت يعنى ايه يبقى نفسك فى بيبى وتشتاقى
بس الاول قبل ما اتكلم معاكم لااااااااااااااااازم يكون عندك حسن ظن بالله
ويقين انه رزاق وعدل
انا اللى يعرفنى يعرف اد ايه انا عندى مشاكل فى الخلفه وانى احمل
يعنى علشان احمل لاازم موال من علاج ودكاتره
كان ابتلاء ليا ولزوجى
والحمد لله رضا من ربنا كل شىء
بس كان عندنا سلاح بنحارب بيه اي حاجه ممكن تقف ادمنا فى حيتنا
وهو الدعاء
سبحان الله قبل ما احمل فى تيمية بنتى
كانوا الدكاتره بيقولوا انسوا خالص دلوقت الحمل انتوا ادمكم مشوار
بس كان عندنا يقين ان ربنا هيرزقنا
انا فاكره ان كنا عند دكتور وقال انسوا دلوقت خالص موضوع الحمل دا
وسبحان الله
انا كنت حامل ومكنتش اعرف
بس كان فى رساله جتلى من ربنا وانا ماشيه وقعت على قلبى
كان الشيخ بيقرا على ايات
قالَ يا مَرْيَمُ أَنَّى لَكِ هذا قالَتْ هُوَ مِنْ عِنْدِ اللَّهِ إِنَّ اللَّهَ يَرْزُقُ مَنْ يَشاءُ بِغَيْرِ حِسابٍ
سبحان الله بعدها على طول ايه
هنالك دعا زكريا ربه
وهو هنا الشاهد الدعاء يا بنات
وبقيت ادعى كتير والله وسبحان الله عرفت انى حامل بعدها باسبوع
ورزقت تيمية وبعد 4 سنين نفس الكلام
علاج ودكاتره ونفس الكلام منهم هو هو
وبالدعاء مع الاخذ بالاسباب والتوكل على ربنا وحسن الظن فيه
رزقت بسيرين ربنا يجمعنا بيها فى الجنة
وحصل اللى حصل من ابتلاء
وبقيت اقول حكمتك يارب ومش هعترض انت اللى رضتنى بيهم واكيد دا برضوا فيه رضا ان شاء الله
بعد ما توفيت سيرين بقى كل اللى يعزينى يقولى ربنا يعوض عليكى ان شاء الله
وانا بقول فى نفسى الله اعلم
ربنا عالم بحالنا فى موضوع الخلفه
بس كان فى هاتف دايما يقولى
وَأَصْلَحْنَا لَهُ زَوْجَهُ
وسبحان الله ربننا رزقنى بالحمل بعد وفتها بشهر ونص
من غير علاج ولا دكاتره
انا بقول الكلام دا ليه وبحكى كل دا ليه ؟؟؟
علشان عاوزه كل واحده ربنا مكتبلهاش الحمل لسه ونفسها تبقى ام
يكون عندها امل فالله وان ربنا هيرزقها هيرزقها والله
بس اخلصى النية انتى عاوزه تبقى ام ليه
صلحى نيتك مع ربنا وادعى بيقين ان ربنا هيرزقك
واوعى تياسى مهما طال الوقت بس تاكدى ان فى خير ربنا مدخره لوقت
لا يعلمه الا هو
ربنا يرزق كل مشتاقه يارب
ويقر عنها بطفل يملى عليه حيتها ويكون عون ليها لطريق الله
بحبكم فى الله يا احسن اخوات
*حاملة المسك* *حاملة المسك* 255703_22.gif سوبر فتكات Fatakat 255703 القاهره_حلوان – مصر