السلام عليكم ورحمه الله وبركاته
يارب تكونو كلكم بخير وسعاده يارب ويرزق الجميع ويراضيهم
انا كنت كتبت قبل كده اانى متجوزه من 30-6 اللى فات يعنى ده الشهر السابع
وانىى نظرا لظروف البلد اللى انا قاعده فيها فكلو بيعايرنى انى لسه لغايه دلوقتى لا حملت ولا روحت لدكاتره ومش عايزه اقولكم بقى على فلانه اللى اتجوزت بعدك وبقيت حامل وانتى لسه
وعلانه اللى بعد كذا سنه حملت علشان معرفش عملت ايه وخليكى انتى كده مدوريش على نفسك والكلام الفاضي ده
بعد الزن روحت فعلا لدكتور الى حد ما كلو قال عليه شاطر واصلا هنا مفيش دكاتره عدله بمعنى انه احسن الوحشين
كل اللى اعرفهم راحو لدكاتره فى مصر واحنا قاعدين فى الصعيد يعنى تسافري من هنا لهنا علشان تكشفى
انا بحكيلكم الظروف علشان تعرفو اللى انا فيه بس وبعانيه انا وجوزى
وروحنا للدكتور وبعد التحاليل ومتابعه التبويض
تحاليل جوزى تمام والتبويض فى الاول كان ضعيف وفيه التهابات والرحم ضيق الحمدلله
ادانى منشطات كلوميد وحقن كوريومون
ودوفاستون ده اول شهر وطبعا لبوس وعلاج للالتهابات
وراحت الالتهابات واتعدل التبويض الحمد لله
وبقى موضوع ان الرحم ضيق قالى ان الموضوع ده بيعطل الحمل لكن مش بيمنعه وابقى سورى يعنى حطى مخده تحتك بعد الجماع ومتقوميش لمده ساعه ع الاقل وقد كان حصل الكلام ده اول شهر تانى شهر ومحصلش حمل الحمد لله
وادينى فى الشهر التالت خدت كلوميد بردو وكوريومون بدل حقنه واحده خدت اتنين وكنت هموت من كتر المغص
ولسه فاضل كام يوم على معاد البيريود ارجوووووووووووووووووووكم تدعولى
المشكله بقى انه قالى فى حاله ان البيريود نزلت الشهر ده هيعملى عمليه لتوسيع الرحم
بمعنى انه هيبنجنى بنج كللللللي
ويدخل جهاز كده معين ومعرفش بقى هيعمل بيه ايه وبس من غير مشارط ولا دم ولاغيره
انا بقى خايفه اوى اوى لان العياده اصلا مش مجهزه لعمليه او بنج كلى ده حتى معندوش جهاز ضغط
ده غير انه طالب مبلغ وقدره 1800
طيب انا اعمل ايه وجوزى قالى اللى يريحك اعمليه انا خايفه اوى ياجماعه وفيدونى ارجوكم
واللى متعرفش متبخلش عليا بدعوه ان ربنا يكرمنى الشهر ده بالحمل وميحوجنيش للكلام ده كلو
ويبقى حبك ويبقى حبك 363473_2.gif فتكات هايلة Fatakat 363473 الاقصر – مصر