السلام عليكم ورحمة الله وبركاتة
انا جاية افضفض معاكوا شوية وياريت تستحملونى معلش
كل بنت مننا بتتولد وجواها عاطفة الامومة ودى حاجة غصب عننا ربنا خلقها جوانا يعنى مش بمزاجنا وكل ما نكبر تزيد جوانا وكنا نجيب اللعب والعرايس ونهتم بيها على انها بنتنا او ابننا ونعمل نفسنا بنأكة ونغيرلة دا يمكن كمان فية مننا كان بتمسك العروسة ترضعها من صدرها زى ما كانت بتشوف اى طفل بيرضع من امة
وكبرت وبقيت انا العروسة حلمت انى اكون ام لبنوتة افرح بيها حلم ياتى اجيب بنوتة هادلعها دلع الدنيا كلة ورنا كرمنى والحمد لله اتجوزت الانسان اللى بحبة وحلمت اكتر والحلم كبر مع اول يوم جواز وفضلت استنى كل شهر وكلى امل فى ربنا وللاسف البيريود تيجى لحد ما قررنا نكشف وعرفت ان المشكلة من زوجى اكيد اتصدمت وحمدت ربنا كلة خير من عندة وبدأنا رحلة العلاج
بس انا نفسى اكون ام ماتفهمونيش غلط انا مش طالبة غير انى اخلف من زوجى يعنى عمرى ما فكرت اسيبة ابدا انا باعشقة وهو كمان بيحبنى جدا بس دا احساس غصب عنى اعمل اية؟
كل شهر بيبقى عندى امل ان ربنا زرع فى احشائى الجنين اللى انا وحبيبى بنتمناة بس يجى ميعاد البيريود وتهد كل الاحلام اللى حلمتها
زى المرة دى البيريود ميعادها بكرة وهى تقريبا نزلت عليا حاسة بوجعها ودم لونة بمبى فااااااااتح نزل عليا يعنى خلاص جت برضة انا نفسى اسمع كلمة ماما قوى
يااااااااااارب كلى امل فيك ومؤمنة بقضاءك مش طالبة غير الذرية الصالحة اكرمنى وماتحرمنيش يارب اكرمنى وفرح قلبى انا وزوجى واهلنا يااااااااارب
يمكن يكون كلامى مش مترتب بس محتاجة حد يتكلم معايا
اسفة ضايقتكوا بس ماليش غيركوا اتكلم معاة
واحدة حلم حياتها اتركز فى كلمة واحدة
الامومة
العيون الجميلة العيون الجميلة 140100_5.gif فتكات رائعة Fatakat 140100 الاسكندرية – مصر