السلام عليكم ورحمة الله وبركاته
يارب كلكم تكونوا بخير
انا عندي حساسية في الجيوب الانفيه من زمان بسبب اني كنت بشتغل في مكان الموظفين كانوا بيشربوا سجاير وانا كنت بتكسف اقلهم متشربوش وبعدها جاتلي الحساسيه ولفيت مع ماما الله يرحمها على دكاترة كتير ومكنش فيه حاجه عدله غير ادويه بتنيم وبس والحال على ما هو عليه وبطلت كل الادوية واحيانا الحساسيه تزيد واحيانا ابقى كويسه
المهم من حوالي اسبوع كده كنت بتكلم مع حد في شغل وكنا في مكان حكومي وكان فيه كام واحد بيشرب سجاير ولاني مش بشم كويس معرفتش ده لكن لما خلصت معاه لاقيتهم حوالينا ومن بعدها وانا مش بعرف انام بالليل وعلطول منخيري مقفوله وبستخدم قطرة بروزيلين وبس اول امبارح نمت واول اول لكن امبارح الوضع رجع تاني وصحيت بالليل بس مش زي الاول
انا بقيت باخد نفسي بالعافيه زي كده الشيخ الشعراوي انا بس عايزه اشبه بيه علشان تعرفوا وضعي ومش عارفه اعمل ايه هل حد يعرف اي طريقه تخليني اتنفس كويس وموضوع الحساسيه ده يخف شويه وهل كده انا داخله على حساسيه اللي هى بالبخاخ ولا ايه
جزاكم الله خيرا
muslima_alex muslima_alex فتكات رائعة Fatakat 368944 الاسكندريه – مصر