السلام عليكم ورحمة الله وبركاته
يا بنات انا الحمل متاخر عندى بدون اسباب واضحة
وكمان بيجيلي التهابات بتيجي وتروح على فترات عاملة زى فتافيت الجبنة كده
المهم ماما قالتلى على وصفة وهى عبارة عن عسل اسود على حلبة مطحونة ونعملهم زى السويت على النار ونعمل منهم كور كده زى اللبوس
ونربط اللبوسة من دول بشاشة وندخلها جوا زى اللبوس المهبلى كده ونخلى طرف الشاش خارج المهبل
وننام والصبح نسحبها
ونتسمر على كده 3 ايام
على شرط الوصفة دى تتعمل بعد الدورة على طول
لانها بتنزل الميه الموجودة بالرحم وبتسلك الانابيب وتنضف الرحم
كل دا كلام ماما انا دلوقتى مش عارفه هى الوصفة دى صحيحة فعلا
وفى حد جربها ولا لاء
لانى خايفة اجربها لانى سمعت فى مرة واحدة هنا فى المدونة بتقول ان السكر غلط على الرحم وانه بيدمر الدنيا
هو مش العسل دا داخله سكر برده ولا ايه
بالله عليكوا تردوا عليا وتطمنونى
ولو واحدة جربتها تحكيلنا على تجربتها
واللى متعرفش حاجة عنها ترفعلى الموضوع بدعوة حلوة
ادعولى اطلع حامل الشهر دا ان شاء الله
# يارب اعفو عنى # # يارب اعفو عنى # فتكات حبوبة Fatakat 1166391 مصر – مصر