انا يبنات لسة والدة من شهر فى مستشفى تبارك للولادة عباس العقاد فى الاول روحت المستشفى علشان اكشف عند دكتور اسمة سيد قبارى طبعا الكل عارفة وكنت ساعتها فى الشهر التامن ملقتش الدكتور وقالوا انة عندو ظرف روحت بعد اسبعين لقيتة مشى قبل ميعادة دكتور قمة فى الاستهتار المهم رحت تالت مرة وكان موجود وحددلى ميعاد العملية كنت ساعته فى التاسع وقلت الحمد للة ان العملية اتحددت لقيتهم قبل العملية بيومين بيتصلوا بيا وبيقولوا ان الدكتور سيد بيعتذر وفى دكتور تانى اسمة محمد سويد هو الى هايعمل العملية طبعا جوزى بهدلهم وقالى هنعمل اية قلتة الخيرة فيما اختارة اللة ورحت المستشفى فى الميعاد واخترت الاوضة وسلمت امرى للة لقيت كل شوية حد يجى يطمن عليا بصراحة اهتمام فظيع وعلقولى جلوكوز وكل شوية يقسولى الضغط وجة الدكتور سالنى شوية اسئلة وبعد كدة دخلت العمليات اهتمام وحنة من الممرضات بجد بحمد ربنا ان رحت المستشفى دى بعد كدة بنجونى محستش بنفسى الا وانا خارجة من العمليات وبسالهم عن بنتى حبيبتى وانا فى العملية خرجوها ونادوا باباها يصورها وهما بيحموها ةان كانو بيخيطوا الجرح دخلت الاوضة والله يبنات مفيش نضافة ولا اهتمام احسن من كدة ورغم ان الاوضة صغيرة كانت مريحة جدا وجة دكتور محمد سويدان يطمن عليا قمة فى الاخلاق فعلا اختيار ربنا هو الخير ليا وخوا بنتى كشفوا عليها بجد يبنات بعد ما كنت خايفة جدا لانى مسمعتش عنة زى سيد قبارى دلوقتى بحمد ربنا ان ولدت مع الدكتور المحترم دة وقالولى اروح بعد اسبوعين كشف الجرح الحمد للة عدت بسلام وعقبالكوا كلكوا ان شاء اللة
kokoxx91 kokoxx91 448136_3.gif فتكات ست الكل Fatakat 448136 القاهرة – مصر
سبحان الله و بحمده