بســــــــــــــــــــــــم الله
عاملين ايه … وحشتونى جداااااااااا والقسم هنا كمان وحشنى اوووى
انا الحمد لله ولدت من 22 يوم وجبت احلى ادم فى الدنيا ربنا يخليهولى يا رب
ويبطل يزعجنى بالليل
ادخل فى المهم بصو انا هقولكم شوية نصايح علشان تتجنبو الاخطاء اللى وقعت فيها خلال فترة حملى
وكمان حاجات عرفتها واكتسبتها بعد الولاده بخصوص البيبى
نبـــــــــــــــــــــــــــدء بسم الله
اولا….. فى فترة حملك خلى بالك واعملى التحاليل بشكل دورى حتى لو الدكتوره بتاعتك ماطلتهمش منك
دى صحتك حتى لو مش بتتشكى من حاجه روحى مش هتخصرى حاجه واعملى التحاليل دى
( نسبة الهيموجاوبين .. سكر الحمل … تحليل بول )
وعلى طلو قيسى الضغط على الاقل مره فى الاسبوع
واهتمى اووى بالموضوع دا فى اواخر الشهور لان الدنيا ممكن تتقلب فيهم لا قدر الله ( ودا اللى حصل معايا )
ثانيا….بردو فى فترة الحمل انا جربت وعملت متابعه اللى طوال فترة الحمل وبصراحه شفت انها مالهاش لازمه
فلوس بتدفع وخلاص انا لاغتها من الشهر الخامس وبقيت كل ما احس انى تعبانه او عاوزه اطمن بقيت اروح اكشف
وكمان على موضوع الداكاتره بلاش تشتتى نفسك مع كذا دكتور هتلاقى نفسك فى الاخر مش فهمه حاجه
مادام واثقه فى كلام دكتورك خلاص
ثالثا … اوعى تهملى فى موضوع العلاج دا ابداااااااااااا اللى هو الحديد والكالسيوم للاسف انا مابحبش العلاج كنت بجيبو ومابخدهوش
ودا اثر عليا بعد كدا فى الحمل هو الكالسيوم بيقف فى الشهر السادس تقريبا والحديد بيكمل لحد ما تولدى
رابعا ….حددى الدكتور او المكان اللى هتولدى فيه من بدرى علشان ماتجيش وتحتاسى وكمان علشان تعرفى هتعملى حسابك فى اد ايه
فى الفلوس وكمان حطى قدامك كذا اختيار لان ساعتها ممكن تكون الدكتوره دى قافله او وقت متاخر فى الدكتوره مش موجوده وهكذا
وكمان جهزى الشنطه اللى هتاخديها معاكى ( هكتب بردو انا احتاجت ايه ومااتحتجتش ايه )من نص التامن لان كل شويه هتلاقى نفسك ناسيه حاجه فجهزيها من بدرى علشان تبقى
موجوده وجاهزه ساعتها خصوصا لو هتولدى طبيعى هيبقى الولاده فى اى وقت
كدا اهم ملاحظاتى فى فتره الحمل ندخل بقى على الولاده
اهم حاجه يا بنات وانتى راحه او داخله تولدى خلى على لسانك يا رب سهلهالى وادعى لاى حد
والله من كتر ما انا كنت مرعوبه كنت بصبر نفسى واللهى نفسى بالدعاء لدرجة ماحستش بالحقنه والدكتور بيديهالى
بعد الولاده انا عارفه ان الواحده بتبقى تعبانه بس اوعى تحرمى نفسك من انك تشوفى ابنك او بنتك
انا ن كتر تعبى ما شوفتهوش الا بعد ماخرجت يجى بساعه من كتر التعب اللى كنت فيه والدوخه قالولى نجيبهولك قولتلهم لأ
بقيت ابصلو واعيط عاوزه اخدو فى حضنى ومش قادرره
اهم حاجه فى الولاده بعد ما تفوقى اهم حاجه المشى ثم المشى ثم المشى هيسهل عليكى الامور بعد كدا
هكمل فى المشاركه اللى جايا هكتب الحاجه اللى هتحتاجيها
maleka benkaby maleka benkaby 400378_12.gif فتكات ست الكل Fatakat 400378 القاهره – مصر