السلام عليكم ورحمه الله وبركاته
انا عضوه جديده معاكم لسه مشتركه فى المدونة من حوالى اسبوعين
انا متجوزه من 6 شهور
اتجوزت فى مصر و زوجى قعد معايا اسبوعين و سافر
وانا سافرتله بعد حوالى شهر ونص
انا وصلت الامارات من 4 شهور
اول ما جيت جالى التهابات شديده و روحت لدكتوره
هى عملتلى كشف امراض نسا وعملتلى سونار مهبلى
قالتلى ان الالتهابات هى اللى شديده بس الرحم و المبايض كويسين
وادتنى علاج للالتهابات وادتنى الفوليك اسيد
والحمدلله مشيت عالعلاج وبقيت كويسه
الشهر ده الدوره الشهريه اتأخرت عندى 4 ايام عن ميعادها وكنت فرحانه افتكرت نفسى حامل
بس فى الاخر هى شرفت وكان عندى وجع بيخلينى اعيط فى ضهرى و بطنى
روحت لدكتوره عراقيه هنا قالولى عنها شاطره
الدكتوره عملتلى سونار وقالتلى الحمدلله مفيش تكيس مبايض ولا اى حاجه و تأخر الدوره فى اول الجواز عادى
و قالتلى انها ممكن تدينى وسيله مساعده للحمل
وادتنى اقراص فرتاب قالت انها اقوى من الكلوميد
وقالتلى تعالى اليوم العاشر للدوره نعمل سونار ونشوف حجم البويضات
روحتلها انهارده طلع فى بويضه واحده بس و حجمها 12
قالتلى ان كده حجم البويضه صغير الصراحه صدمتنى و خوفتنى لانى اعرف ان حجم البويضه الصغير ميعملش حمل
وكتبتلى على حقنتين اخدت واحده انهارده و هاخد واحده بكره ان شاء الله
وقالتلى الحقن دى بتكبر البويضه لانها المفروض توصل ل 22
وقالتلى اروحلها يوم الخميس الجاى اللى هيكون اليوم 15 للدوره عشان تشوف حجم البويضه وصل لفين
انا مش عارفه هو كده حجم البويضه هيحتاج علاج طويل ؟؟؟ ولا ده عادى؟؟
وكده ممكن يحصل حمل ؟؟
لو فى واحده كانت نفس حالتى واخدت الحقن دى ياريت تفيدنى
أسفه علاطاله
yotta angelica yotta angelica 1201889_1.gif فتكات هايلة Fatakat 1201889 الشارقه – الامارات