السلام عليكم
حبيت أحكيلكم عن حملي الأول علشان كل أخت تاخد بلها كويس جدا وتنتبه للدكتور اللى بتابع معاه
انا كنت ساعتها في السنة الأولى من جوازي وربنا أكرمني وحملت بعد 4 شهور ورحت تابعت مع دكتورة أستشارية مشهورة أوي في شبرا مصر أسمها أوديت فؤاد .. تابعت معاها من اول شهر الحمل لحد السابع وكنت كل لما اروح اكون تعبانة تقولى مفكيش حاجة كله تمام وحركة البيبي تمام و نبضه والتعب اللى بيجيلك ده طبيعي انتي قربتي على الولادة قلتلها طيب انا هولد أمتي وطبيعي ولا قيصري قالتلي في معادك وطبيعي وانا هسيبك للأخر ولا أخفي عليكم اني شكيت فيها من بعد ما قالت كدا لأني مريضة ضغط عالي وعارفة أن مرضى الضغط بيولدوا بدري وأكثر الحالات بتكون قيصري علشان مواضيع الإكلامسيا وتسمم الحمل وكدا .. روحت وانا بقول لجوزى انا مش مرتاحة وحاسة اني تعبانة والتعب بيزيد عليا قالي خلاص تعالي نروح لدكتورة تانية وفعلا رحت لدكتورة الله يبارك في عمرها وصحتها ويجعلها من أهل جنته يااااااااااارب .. أسمها دكتورة عفاف موسى أستشارية عيادتها في شارع جزيرة بدران مستشفى توشيبا العربي رحت لها قالتلي أعمليلي بسرعة فور ديمنشن .. رحت عملت الأشعة دى 550 جنية وجبتهالها قالتلي الماية اللى حولين البيبي قليلة جدا وهو مش عارف يتحرك او يتنفس وكمان كنت مخدتش الحقن اللى بتساعد على نمو الجهاز التنفسي عند الطفل قالتلي لازم تولدي في أول أسبوع من التاسع وهيبقى قيصري .. والله الدكتورة دى عملت معايا معجزة .. وأنقذتني انا وأبني من موت محقق .. ربنا جعلها في طريقي الحمد لله وولدت في نفس المستشفى والخدمة ممتازة جدا وحجرة خاصة لوحدي نظيفة اووووى بحمام وممرضات أخلاقهم عالية وخرجت بعد يومين والتكلفة كانت ألفين ونص .. بس أبني هو اللى تعب وحصلوا نقص في بعض خلايا الأكسوجين في المخ نتيجة الزنقة اللى كان فيها وهو بداخل بطني وحسبي الله ونعم الوكيل في اللى كان السبب منها لله .. بس الحمد لله هو بيتحسن بس هو متأخر في الكلام في التفاعل بطئ شوية لكنه ذكي ما شاء الله وقمر بدر منور
ربي يباركلي في عمره حمزة حبيبي هو عنده دلوقتي أربع سنين وكام شهر
وربنا أكرمني تاني وانا دلوقتي حامل في الشهر التاني وبتابع مع دكتورة عفاف
أنسانة طيبة وخلوقة وتحسي أنك مع أمك أو حد حنين أوي ..
معلش طولت عليكم بس لازم تنتبهوا وقت ما تحسي انك مش مرتاحية مع الدكتور لازم تغيريه ولازم تكونوا مرتاحين نفسيًا وجسديًا ..
ربنا يقومنا كلنا بالسلامة
أم حمزة ومكة أم حمزة ومكة 1138222_2.gif فتكات متميزة Fatakat 1138222 القاهرة – مصر
سبحان الله و بحمده