صباح الخير يا حبايبى عاملين ايه يارب دايما بخير الحمدلله يارب أنا دخلت الشهر التاسع بفضل الله ادعولى ربنا يكملى ع خير ويقومنى بالسلامة المهم أنا متابعة مع دكتور وائل البرمبلى فالقومية والمرة اللى فاتت و أنا بكشف فالشهر التامن الدكتور قالى إن الحمدلله الولد اتدور لتحت يعنى راسه بقت تحت ورجليه فوق و الحمدلله كنت مبسوطة جدا انى فى احتمال كبير اولد طبيعى بإذن الله الاهم بقى وانا بكشف من يومين كنت دخلت الشهر التاسع لاقيت الدكتور بيقولى ايه لعب العيال دا بقى ؟ الولد اتشقلب تانى لفوق يعنى راسه رجعت فوق تانى و رجليه لتحت و ان البيه لو فضل عالوضع دا هنولد قيصرى وان آخر التاسع هيكون 29/4 بإذن الله …………….. المهم انا سمعت الكلمتين دول واتضايقت جدا ومن ساعتها مش عارفة اعمل ايه ؟؟؟؟؟؟ نفسى ربنا يكرمنى وأولد طبيعى ومش عارفة أعمل إيه ؟؟ فياريت لو حد فيكو يعرف لو نوع رياضة معين أو اى حاجة تساعد فى ان البيبى ياخد وضع الولادة تانى ياريت تساعدنى ربنا يكرمها خصوصا وان دى اول ولادة ليا يعنى زى ما بيقولوا بكرية وخايفة جدااااااااااااااااااااااااااا ، وفى حاجة كمان عاوزة اسألكو عنهالو حد يعرف تكلفة الولادة الطبيعى و القيصرى عند دكتور وائل يا ريت يفيدنى لأنى هولد فى مستشفى التيسير .
معلش انا عارفة انى طولت عليكم معلش بقى استحملوا اختكو التعبانة
esraa sayed esraa sayed 332174_1.gif فتكات هايلة Fatakat 332174 الشرقية – مصر
سبحان الله و بحمده