ازيكم يا فتوكات يارب تكونوا بخير
عايزه اسالكم سؤال لان ده اول بيبى ليا ان شاء الله
انا قريت على المدونة اراء فتوكات كتير على المقارنات ما بين الكاريكوت والكاريست وشايفه ان ناس كتير بيفضلوا الكارسيت بس انا محتاره فى حاجه دلوقتى كل الى بيقولوه هاتوا الكراسيت بيقولوه متقعديش البيبى فيه قبل 3 شهور عشان الظهر طيب انا اعمل ايه فى البيبى بقى الشهور الأولنيه دى اشيله ازاى خايفه لاشيله غلط او حد يمسكه غلط وفى نفس الوقت محتاره اجيب الكاريكوت ولا لا شفت واحد بالشنطه بتاعته عند ماما نونه ب500 جنيه طبعا انا حاسه انه غالى قوى على شهرين وبعدين كمان شفت واحده ماسكه فى الشارع والبيبى متطوح كده جنب ايدها يعنى بتهيئلى مش هيبقى مريح برضه وكمان عايزه اسالكم لو خلاص استقريت على الكارسيت ان شاء الله فيه نوع بيتفرد زى السرير كده اقدر انيم البيبى فيه فى الشهور الأولى ولا لا ياريت تفيدونى يا فتكوتات بسرعه احسن عايزه انزل اشترى ان شاء الله قبل الولاده وانا خلاص فى التاسع احسن اعملها واولد من غير مجيب حاجت البيبى ويبقى ذنبى فى رقبتكم بقى والى عندها بقى نصيحه بخصوص الماركات الحلوه فى الشرا والأسعار تكون كويسه برضه ياريت تقولى ولو حد هنا من مدينه نصر يقولى على محلات تانيه اسعارها كويسه غير ماما نونه احسن اتعقدت من اسعاره
وقولولى كمان يا فتوكات فيه ناموسيه بتباع لوحدها احطها على سرير البيبى ولا لا وملايات السرير بتاعه الاقيها فين وكمان سمعت ان فيه سندات للسريرالخشب عشان البيبى ميتخطبش فى الخشب بس لقيتها غاليه قوى عند ماما نونه ب350 ج ومش عارفه ليها لازمه ولا لا وشكر يا فتوكات طولت عليكم
ذات الرداء الابيض ذات الرداء الابيض 37214_1.gif فتكات حبوبة Fatakat 37214 القاهرة – مصر