انا اللي متابع مواضيعي عارف قصتي من البدايه خالص
وانا كانت مفاجئه ليا وكرم من ربنا ان ربنا رزقني بالحمل بجد كنت في منتهي السعاده ومتتخيلوش الفرحه اللي كنت فيها انا عرفت اني حامل قبل ميعاد دورتي بااسبوع نزلت عليا نقطه دم وكنت مستنيه الدورة لان الدكتور كانت مأكد ليا ان مش هيحصل حمل ولما نزلت نقطه انتظرت الدورة تنزل منزلتش قولت ربنا يستر انا مش ناقصه لغبطه هرمونات كفايه اللي انا فيه واتصلت عليه المفاجئه انه قالي اعملي اختبار حمل مكنتش مصدقه وكمان كان الكلام ده قبل ميعاد الدورة بااسبوع طيب ازي يبان حمل فضلت اصلي وادعيلي طول الليل ان ربنا ما يصدمني ويفرحني بحملي اللي انتظرته
ورحت عملت تحليل حمل دم ومنزلي وماشاء الله كان باين بس كان لسه في الاول انتظرت اسبوع وعملت اعاده للتحليل المنزلي يعني يوم ميعاد الدورة كانت الخطين واضحين جدا انتظرت كمان اسبوع ورحت اكشف بقه طبيعي عند الدكتور المفاجئه انه ملقاش الحمل
وقلب بطني وسالني علي اخر دورة وكان مستغرب ان الحمل مظهرش في السونار وهنا شكينا ان الحمل خارج الرحم علشان بان في التحليل لكن الرحم فاضي وقالي التحليل الرقمي هوا اللي هيبين لو عملته ورجعت كررته كمان يومين والنسبه تتضاعفت
وطلب مني تحليل حمل رقمي واعمل له اعاده بعد يومين
وانا عملته والنسبه الاولي كانت اول امبارح 9332 والنسبه بتاعت النهارده 15534 فهل دي نسبه كويسه ولا فيها شك هي طبعا هنا مش الضعف تعتبر اكبر من النصف واقل من الضعف وانا مش فهمه الله يكرمكم طمنوني
روينا1 روينا1 images/avatars/pacifier.jpg سوبر فتكات Fatakat 73938 الهرم – مصر
سبحان الله و بحمده