السلام عليكم ورحمة الله وبركاتة ازيكم يا فتوكات عاملين اية انا بقى كنت بايتة فى القسم دة لمدة 9 شهور وكنت بستفيد كتير خالص منكم وكنت كل ما بحب اسال على حاجة الاقى موضوع بية كنت بحب اقرا قصص الولادة اينعم كنت بترعب وبخاف اكتر بس كنت با ستفيد علشان اول حمل ليا وجاى بعد 3 سنين جواز وبفضل الله ولدت من شهر طبيعى الحمد لله كنت خايفة خالص بس ربنا كريم قوى وعدت على خير انا بقى من اول التاسع وبحس بوجع عادى تحجيرة وضيق تنفس بس مفيش اى اعراض تانية لحد اخر اسبوع فى التاسع والامور كلها عادية وكنت رايحة المتابعة بتاعتى عادى اليوم دة كان فاضل 3 يوم واخلص التاسع والدكتورة بتكشف نسا عادى قالتلى الرحم فاتح 2سم والمية قلت حوالين البنت ولازم تولدى النهاردة اوبكرة انا خفت يكون قيصرى بس هى طمنيتنى وقالتلى لا الامور كلها تمام وان شاء الله طبيعى انا خفت وقعدت اعيط ومش كنت عاملة حسابى ومش كانت معايا شنطة الولادة واتصلت بجوزى وقولتلة مش عايزة اولد خليها بكرة قالى لا اتكلى على الله وروحى دلوقتى هو اصلا مسافر فعلا انا قلت للدكتورة انا رايحة المستشفى دلوقتى قالتلى خلاص اوك انا هخلص العيادة واحصلك اتصلت بيهم يدونى نص برشامة كدة لحد ما تيجى وقالتلى اول ما تحسى بالوجع تقوليلى على طول انا حسيت بوجع بسيط كنت باصلى واتمشى عادى خالص ومن هبلى فكرت هو دا الطلق قلت ما الطلق ساهل يا جدعان اهوالواحد يولد كل يوم وبعدها كشفت نسا وقالت للممرضة ركيبيلها محلول وبعد ربع ساعة عينكم ما تشوف الا النور كنت بارقص رقصة المجنونة وتعبت خالص ومش كنت قادرة اخد نفسى والدكتورة كشفت نسا تانى قالتلى تمام الراس نزلت خالص اهى وبعد 3 ساعات دخلت العمليات والمحلول حاسيتة ان هو بيزيد اكتر وصرختى جابت اخر المستشفى وكنت خلاص جبت اخرى قلتلها خلصينى فى حاجة محشورة فيا وهيا تقولى دى راس البنت وبعد نص ساعة جات احلى اسماء للدنيا مجرد ما نزلت الراس كل الوجع راح اول ما شفتها نسيت كل حاجة انا مش بخوف حد والله بس بجد الولادة الطبيعى نعمة من ربنا والحمد لله بعد اسبوع اول ما خف الجرح تحت بقيت كويسة خالص هى بس الرضاعة هى اللى كانت تعبانى صدرى كان بينزل دم ودلوقتى احسن الحمد لله وربنا ما يحرم حد من الذرية انا دعيت للكل بالذرية الصالحة وانا فى عز الالم والتعب وربنا يقوم كل الحوامل بالسلامة وربنا يباركلى فى بنتى ويجمعنا بابوها على خير قريب يا رب وتكون من حفظة كتاب الله ودى تجربتى لانى استفدت منكم كتير اوى ربنا يخلى فتكات
توته قلب احمد توته قلب احمد 522407_6.gif فتكات هايلة Fatakat 522407 ابوظبى – الامارات
سبحان الله و بحمده