السلام عليكم ورحمه الله وبركاته
ازيكو يا فتوكات
انا حامل دلوقتي في نص التامن
ومش عايزة اتكلم بقي في الحموضه اللي لا مخلياني اعرف اكل ولا انام
وكل ما اقول للدكتور يطنش او بينسي او يقولي عادي ويوم ما اداني دوا عينه من عنده جيت قريت الروشته لقيت ممنوع استخدامه في فترة الحمل
فمخدوتش ولا رضيت اساله علي غيره
ومقضياها لبن وزبادي ومايه عشان تقل دي بتوصل معايا ساعات اني بحس اني عايزة ارجع مش عارفه اعمل ايه
اه وحاجه تانيه
رغم البرد اللي بقينا فيه الا اني عايزة اشرب ميه بطريقه غريبه
ميه بيبسي عصير اي حاجه ساقعه بس مش ساقعه متلجه يعني بدرجه حراره الجو المهم متكنش سخنه وممكن لو سابوني اشرب لتر كامل
وطبعا التقل مع كتر السوايل مخليني مقيمه في الحمام لدرجه اني مبنامش بالليل قد ما بدخل الحمام
ده طبيعي ولا في حاجه غلط
والمشكله اني اقوم ادخل حمام وانا طالعه احود عالمطبخ اشرب كوبايه مايه كبيرة
يلا قولولي بتعملو ايه في الحاجات دي
شيماء1990 شيماء1990 139085_7.gif فتكات غالية قوي Fatakat 139085 الزقازيق – مصر