السلام عليكم
انا يا بنات باخد حقن سيولة اسمها كاليهيبارين من اول شهر حمل حقنتين فى اليوم
و انا دلوقتى فى نص السادس الحمد لله
من كام شهر كنت بشوف بنات هنا الدكتور بتاعهم بيوقفهالهم فى الرابع و فية بيوقفوها فى الخامس او حتى الدكتور بيخففلهم الجرعة و تبقى حقة واحدة فى اليوم بدل اتنين
و انا استنيت و كنت باخدها على امل انى فى الرابع او الخامس الدكتور هيخففها او يوقفها
بس للاسف قالى استمر عليها بردة و لحد من اسبوع فات بكلمة على الحقن و امتى ابطلها بقى و كدة
راح قالى خلى بالك متفرحيش ان انتى فى السادس.. دة فية ناس بيوصلوا للمرحلة دية و يرجعوا للصفر تانى
فى اول الحمل الدكتور كان قايلى ان الحقن دية هتستمر للتاسع
بس انا زهقت اوى منها و تعبت
باخدها فى رجليا الاتنين و اتشوهوا خالص لدرجة ان الجلد نشف و مبقتش قادرة اعدى الابرة من الجلد من كتر ما الجلد نشف
و مش هاين عليا اخدها فى مكان تالت عشان متشوهش اكتر من كدة
تفتكروا ممكن الدكتور يبطلهالى امتة؟؟
يا ترى فية ناس استمروا عليها لل 9؟؟ ووقفوها قبل الولادة على طول و لا فى اول ال 9 و لا اية النظام طمنونى
و على فكرة انا باخدها لانى اجهضت فى الحمل الاولانى النبض وقف و عملت اجهاض..
مدام راغب مدام راغب 538876_1.gif فتكات ست الكل Fatakat 538876 كل المدن – مصر