السلام عليكم
اولا عيزاكم تدعولى عشان داخله اولد باذن الله يوم الجمعه وهموت من الخوف ربنا يستر ويعديها على خير
انا حضرت الشنطه وكنت عايزه اخد رايكم اذا كانت فيه حاجه ناقصه ولا لا
حاجات البيبى
طقمين كاملين وفوطه وصابونه و3 مولفيكس والشامبو والكوفرته ومناديل وايبس وقطن وببرونه احتياطى ولسه مش عارفه اجيب اعشاب ولا لا واخد معايا الزيت بتاعه ولا لا
حاجاتى انا
عبايه ليها زراير عشان الرضاعه يارب بس اعرف اقوم علطول وطرحه وعبايه تانيه عشان امشى بيها من هناك و2 اندر و2 برا والويز الترا وفرشه وتوكه وصابونه ديتول وفوطه وشبشب خفيف عشان لازم اتمشى هناك وريكسونا وفرشه ومعجون
بس لو فيه حاجه تانيه فكرونى احسن انا دماغى مقلوبه على الاخر
وبالله عليكم تدعولى اقوم بالسلامه انا والبيبى لابنى ولجوزى
بوبه.مورا بوبه.مورا فتكات ست الكل Fatakat 611328 القاهره – مصر