السلام عليكم ورحمة الله وبركاته
عاملين اية ياااحلى فتوكات يارب تكونوا بخير
كل سنة وانتم طيبين
انا فى الشهر الرابع والدكتورة كتبتلى حديد وكالسيوم
وانا تعبت ودخلت المستشفى اتحجزت يومين
راح دكتور الباطنة قالى وقفى اللبن
انا اصلا جالى اسهال حاد واتحجزت علشان خافوا يحصل جفاف
وكمان بدا ينزل منى دم
وقبل مدخل المستشفى كنت اخدت قرص حديد وتعبت
عملولى تحاليل وقالولى اللى عندك دة قولون عصبى من القلق والتوتر وكدة غلط
وانا دلوقتى يابنات لاعارفة اخد كالسيوم ولا حديد ولا اشرب لبن ولا عارفة اكل كويس
الفاكهه بتاعت الصيف كلها بتعمل اسهال ومش عارفة اكل اية وبجوع كدة
والدكاترة قالولى لازم غذاء كدة غلط علشان الجنين
وكمان الدكتورة قالتلى حاولى متقعديش معدتك فترة كبيرة من غير اكل
وانا بصراحه بقعد فترات كتيرة اعمل اية يارب
انا عمرى مكان عندى قولون انا فعلا اعصابى متوترة علشان حصلى اجهاض قبل كدة
وحملى دة كان انذار بالاجهاض ودم وتعب واتحجزت والله مرتين فى المستشفى
اعمل اية بالله عليكم قولولى اكل كدة اكله واعمل اية فى الكالسيوم والحديد
والمفروض الحامل تنام كم ساعه
وربنا يسعدكم يارب
عاشقة خطيبها عاشقة خطيبها فتكات ست الكل Fatakat 382379 شرايين حبيبى – قلب خطيبى
سبحان الله و بحمده