يا بنات بجد انا تعبانة جدا ومحتاجة حد يطمني نفسيتي مدمرة
انا اللي حصل معايا عجيب بجد يعني المفروض اني عاملة ربط عنق رحم ف اول الرابع بسبب مخاوف اجهاض منذر والحمد لله عدي علي خير
دلوقتي انا ف اول يوم في التاسع ومن اخر اسبوع في التامن واناعندي مغص منتظم مع افرازات مدممة وروحت الطوارئ وعملت فحص نسا زي الزفت بجد عشان نتأكد ده بسبب التهابات ولا بسبب الربط والدكتور واضح انه مكنش فاهم فا قالي ده التهاب وخدي لبوس ومرهم وخلاص
النهاردة روحت للدكتورة بتاعتي وكشفت نسا تاني برضه وقالتلي المفيد ان وزن البيبي بيضغط علي عنق الرحم ومش واخد مساحته انه يكبر عشان كده الرحم بيتقطع والدم اللي بتشوفيه ده منه ولازم الربط يتفك
طيب جينا نفك الربط ومن غير بنج وعذااااب كله بسبب الدكتور لو كان قالي ان الربط السبب كان زماني فكيته لكن اكتشفت ان الدكتورة بتقولي ان من كتر الطق الغرز دخلت في اللحم مش هينفع تتفك الا في العملية القيصرية
ودي انا لا اعرف معادها ولا اعمل اية غير اني لو جالي وجع الطبيعي يبقي هولد قيصري لحسن الرحم يتقطع ومخلفش تاني
معلش طولت عليكم بس والله انا خايفة جدا وبطمن بيكوا او حتي ادعولي انا خايفة علي ابني اوووووي لا يدخل حضانة ولا يروح مني ساعتها ممكن امووووت
فوضت امري لك يااااااااااااارب
merostar merostar 91341_1.gif فتكات متميزة Fatakat 91341 القاهرة – مصر