أولا السلام عليكم ورحمة الله وبركاته
وحشتونى اووووووووى يافتوكات انا بقالى فترة مدخلتش كنت بتجوز بقى 
وحشتنى فتكات اوووووووووووووى والله
انا كان عندى سؤال وانا قاعدة عمالة افكر افتكرت فتكات وافتكرت ان انا ياما سألت اسئلة ولقيت المختصر المفيد هنا فقولت جرى على فتكات وان شاء الله حاسة انى هلاقى الرد هنا
انا متجوزة من كام شهر كدة المهم محصلش حمل والحمد لله فروحت للدكتورة الشهر اللى فات وتابعنا التبويض لحد ماوصل حجم البويضة 18 ، المهم الدكتورة راحت كتبتلى حقنة تفجيرية 5000 وأخدتها يوم 5 يوليو يعنى من 9 أيام المهم انا اخدتها بس بعدها محصليش أى اعراض من اللى الناس بتقول عليها خاااااااااااااالص يعنى ولا وجع فى الضهر ولا غثيان ولا خمول ولا وجع فى البطن ولا اى حاجة يعنى محصليش أى اعراض خاااااااااااااالص ، بس من امبارح بالليل بقى نزلت عليا افرازات بنى والنهاردة من ساعة ماصحيت وانا تعبانة وحاسة بوجع الدورة وضهرى واجعنى وبطنى وجنابى ، الغريبة ان الدكتورة قالتلى الدورة هتنزل بعد 14 يوم من ضرب الابرة ومعداش لحد دلوقتى غير 9 أيام بس معقولة تيجى الدورة بدرى كدة ، بالله عليكم كل اللى يعرف حاجة يرد عليا ربنا يجعلكم من المعتوقين من النار فى رمضان
رزقكم الله الجنة
meshmesh mahmoud meshmesh mahmoud 594765_1.gif فتكات هايلة Fatakat 594765 الجيزة – مصر