السلام عليكم ورحمه الله وبركاته
يارب تكونو كلكو بخير ويارب يرزق كل واحده بالذرية الصالحة
ويرزق كل حامل بطفل سليم معافىى من غير زياده او نقصان
موضوعى النهارده عشان كل واحده تاخد بالها من نفسها وتعرف ان اللى فى بطنها ده امانه صحيح كل حاجة بتبقى نصيب ومكتوبة عند ربنا بس احنا بناخد بالاسباب ونعمل اللى علينا
ومفيش حاجة اسمها ماتعرفيش دورى واسالى لازم تعرفى كل حاجة عشان تحافظى على جنينيك وصحة أبنك
انا عملت الموضوع ده عشان يارب محش يتكب عليه اللى انا فيه وعشان كل اللى طالباه منكو تدعو لابنى
انا كنت حامل وده اول ابن ليا وكنت طبعا زى اى واحده فرحانه جدا بالحمل ده ياه كان اسعد يوم فى حياتى قضيت حمل متعب جدا هكتبلوكو بالتفصيل كل الاخطاء اللى اتعرضت ليها طول الحمل للاسف لغاية دلوقتى محجش عارف انهى سبب فيهم هو اللى عمل فى ابنى كده ويمكن يكون نصيب من عند ربنا والحمد لله يارب انا راضية بقضائك
نزل ابنى فى الشكل الحمدلله زى الفل دخل الحضانه قالو عنده نقص اكسجين وحتاج تنفس صناعى مكنش فيه اجهزة تنفس صناعى فى المسشتفى اللى انا فيها اتنقل لحضانه تانية فى عربية اسعاف وخرج بعدها باسبوع
لاحظت بتنفض انتفضات غريبة (تشنجات؟)خدته لفيت بيه مصر كلها من وهو عمره كام اسبوع لسه ياحبيبى نزول فى البرد ويتحجز فى حضانه تانى وحالاته عماله تزيد فضلت الف على داكترة المخ والاعصاب فى كل حته محدش عارف ماله ابتدى يتم 3 شهور وميعرفنيش وميعرفش حاجة عن الدنيا وكل اللى اتولدو معاه بقو مدركين وده برضو لأ بقى الكل يقولى فى اطفال بتتاخر فضلت الف والاضشعات والتحاليل مش مبينة حاجة
لغاية مااتحجزت اتارى اللى عنده ده نوع تشنجات نادر ملوش علاج وطبعا كل مايكبر تبقى اشد ربنا مايكتب على حد فيكو اللى انا فيه اما كل شوية يقعد يصرخ ويعيط من الالم وانا مفيش بايدى حاجة اعملها
ابتديت اسال طب التشنجات دى هى السبب يعنى انه مش مدرك
قالولى لا ده عنده خلل فى المخ(تخلف عقلى)
يالله رحمتك يارب
يعنى تشنجات نادره ومعاق كمان الحمدلله يارب كل اللى انت تجيبه كويس وكله انا راضيه بيه
دلوقتى بقى عنده سبع شهور ولسه بلف بيه
وحكمتك يارب ميبنش كمان عنده ايه ف كل الاشاعات والتحاليل ى
طبعا ميعرفش حاجة غير انه يفضل يصرخ ويتالم وياخد ادوية مخ واعصاب محدش كبير يتحملها وياريتها جايبة نتيجة
حياته كلها انه يصرخ وياخد العلاج وياكل حاجات بسيطة ويتعب وينام من كتر الالم ويخدل مسشتفيات ويتحجز مره فى رعاية مركزة ومره فى اوض عادية
لقيت صدره كمان تعبان وعلى طول عنده مغص وامساك
بقيت الف عشان صدره كمان وبطنه دى
قعدت اسال
قالولوى لاسف الاطفال المتاخرين دول صدره وهضم معدته بيبقى تعبان لانه الاطفال الطبيعية اما اما بتتحرك البغم بيتحرك من على صدرهم وكمان هضمهم بيبقو كويس ده طبعا متاخر ميقدرش يصلب دماغه ميقدرش يقعد على طول نايم
برضو هقول الحمدلله
طيب ممكن اعمل علاج طبيعى ليه عشان يساعده على الحركه لانه بسبب دماغه دى مبيقدرش حتى يقلب دماغه و هو نايم لازم اقوم افضل اقلبهاله قالولى مينفعش التشنجات اللى عنده دى مش مدياله فرصة يتعلم حاجة
الكلام ده للاطفال المتاخرين بس ومش عندهم تشنجات
طيب الحمدلله
حولونى لدكاتره عيون عشان يتاكدو من نظره بيشوف ولا لأ
الدكاترة معرفوش بيشوف ولا لأ يارب حكمتك حتى النظر محدش عارفه قالولى هنشوف على سنه كده نبص عليه تانى يمكن يبان
سلمت امرى ليك يارب
معلش عارفه انى طولت عليكو بس انا بحكيكلكو عشان كل واحده تعمل اللى عليها وكل اللى يجيبه ربنا كويس
دى الغلطات اللى الدكاتره قالولى عليها وحظى كان واقع فى المتابعة مع دكاترة الله يهيدهمويسامحم
والله اعلم دى السبب ولا لأ بس عشان تعملو اللى عليكو
1_ اياكى والضغط العالى فى الحمل والحوادق يامار حت اشتكى جسمى منفوخ يقولولى عادى والغط العالى بيخنقالعيل مش بيوصول الاكسجين كويس وياثر عالمخ
2_ الحوادق متطاوعيش نفسك هتعلى الضغط وتعملك حصوات طلع عندى حصوه وقالولى لو منزلتش هنضطر ننزل الجنين طب ينفع اخد علاج اه ده امن للحمل ودكاتره كبار اللى قالولى كده خدت والله اعلم العلاج ده اللى اثر ولا لأ واصلا الاملاح والحصوات دى غلط لوحدها
3_قبل ماتخشى مش تتاكدى ان فيه مكان فى الحضانه ولا لأ لأ تتاكدى ان ان فيه مكان ينقع يقعد فيه مه لانهم اتارى قصدهم مكان يستقبلو بس كام ساعة لغاية مااحنا نتصرف وتتاكدى ان فيه تنفس صناعى عشان دى بيبقى قليل والله اعلم حصل ايه برضو فى الفتره دى
4_ كل ماتحسى باى اعراض وول بسيطة فى الولادة روحى اعلمى سونار وصممى واكشفى عند كذا حد اتاكدى ان دى مش ولاده لان ساعتى رحت كسفت قالو لسه واتارى المية نزلت من غير مااحس ودخلت على الرئة بتاعة ابنى
5_ القعاد ادام الكمبيوتر مده طويلة وبالذات الاب توب التعرض لاى اشعاع
6_ قلة الاكل وعدمالاهتمام بالاكل
7_ شرب الحاجة الساقعه كتير والشاى والقهوة ولسكر والملح السم الابيض
*الانفعال والعصبية والزعل امى كل حاجة ورا ضهرك سيبى المكان ورحوحى اى حته تانية
9_ المشى الكتير امشى فى الاخر كتير
10_ ابعىدى عن المبيات والبرفانات والحاجت دى كلها يعنى مترشيش المبيدات الحشرية فىا لشقة والبرفانات اللى كلها سبرتو ريحى نفسك بمواد طبيعية ومتدهنيش كريمات على بطك للتشققات والحاجات العجيبة دى
11_مكنة بروان بالذات للبطن والاماكن الحساسة
هما تسع شهور هيريحوكى العمر كله ويرويحو ابنك ممكن تبصى لسبب من دول وتقولى مافلانة كانت مثلا بتشرب شاى عادى وابنها جه كويس لا اانتى اعملى اللى عليكى والباقى من عند ربنا
دى الاسباب اللى الدكاتره شاكين فيها ومايعلم السبب الا الله وحده
لو افتكرت حاجة هاجى ازودها بس ياريت اللى طالباه منك تدعو لابنى ربنا يفيه ويدينى الصحه عشان اقدر على خدمته
انا حبيت اثبت الموضوع ده فتره علشان فى حوامل كتير بتستهتر وناس كتييير اعرفهم حصل معاهم كده بردو بسبب الاستهتار وشرب البيبسى والحوادق
ربنا يتمم حمل الجميع على خير يارب ويرزقهم بطفل سليم معافى
كل حامل بالله عليكى حافظى وخافى على اللى فى بطنك ده امانه معاكى
evelawyer evelawyer فتكات متميزة Fatakat 255767 زفتى – مصر