السلام عليكم
ازيكوا ياقمرات
انا عارفه ان موضوع الالتهابات ده موضوع صعب اوى
لسه كنت بقرأ موضوع عن كذا فتوكه من شدة الالتهابات الحمل متأخر عندهم وممكن اكون انا كنت كده وانا مش فاهمه
لان الالتهابات بتنوت الحيوانات المنويه
انا بقي كان عندى التهابات من وانا بنت وكنت بتكسف طبعا اروح لدكتوره
لحد ما اتجوزت
تعبت اوووى ف الاول ورحت لدكتوره ف اول ايامى من شدة الالتهاب
ادتنى شويه ادوية ومراهم وكريم مهبلي وكبسوله واحده لجوزى احتياطى لانها معديه
المهم جابت نتيجه سريعه الحمدلله بس رجعت تانى
رحت لكذا دكتوره عشان الالتهابات وكذا علاج ومش بيأثروا اوى يعنى
المهم حملت واجهضت ورحت لدكتوره كبيره اوى
مكانتش التهابات حاده بس ادتنى كورس علاج 6 ايام بصراحه قبل ما يخلصوا كنت الحمدلله ف حاله عمرى ما حسيتها قبل كده
الالتهابات راحت ومفيش افرازات والجماع من غير الالم المعتاد الحمدلله بجد
بس قالتلى على حاجتين امشى عليهم على طول عشان ارتاح
فهمتنى حاجه الاول
قالتلى ربنا خلق الانسان عنده وسط حامضى عند الزور كده تقصد البلعوم وكده
ووسط تانى من تحت
عشان يقتلوا اى ميكوبات داخله من هنا او من هنا
مياة الشرب العاديه اللى هى مية الحنفية دى فيها طحالب وحاجات ف اى مكان مش مناطق معينه يعنى
الحاجات دى بتعادل الحموضه دى فبتخلى الطريق مفتوح لاى بكتريا
حتى نلاحظ اللى يشرب ميه معدنيه فتره اما يشرب مية حنفية يتعب منها اوى
فهى قالتلى الحل السحرى انى اتشطف بمية معقمه
ومش مية سخان لان درجة حرارة السخان 70 او 80 دى انسب بيئة لنمو البكتريا
فلازم تبقي ميه مغليه وتبرد واتشطف بيها
وانشف بمنااااديل مش اى فوط لان الفوط مش هتبقي معقمه زى المناديل
وبصراحه مشيت على الموضوع ده والحمدلله ودعت الالتهابات تقريبا (قولوا ماشاء الله )
قالتلى اغلى مايه واما تبرد خديها اتشطفى واغلى ف ساعتها ميه تانى عشان تبرد على ما تدخلى الحمام تانى
بس كده
واللى محتاج يعرف كورس العلاج يقول لى وهو بسيط عموما ( غسول ولبوس مهبلي وكريم خارجى ) قالتلى عشان يبقي طهرنا الاول بالغسول وبعدين عالجنا جوا وبعدين عالجنا برا
بس كده
ادعولى ربنا يكرمنى بالذريه الصالحه ويبعد عنى الاجهاض لانه حصل لى مرتين الحمدلله
وقيموا ياريت عشان الكل يستفيد
ف ت و ك ه ف ت و ك ه فتكات رائعة Fatakat 391544 برضه كايرو – القاااااااهره
سبحان الله و بحمده