السلام عليكم يا احلى فتوكات
حبايبى انا ان شاء الله هولد فى 154 يعنى بعد شهر ونص وهجيب بنووووووووتة ودا اول حمل ليا
والاسبوع دا هنزل اشترى ملابس النونة كلها مشترتش قبل كدا ولا فتلة قلت استنى يكون الصيفى ابتدى ينزل
وعاوزة اسالكو بقى ع الاعداد والميزانية
انا هكتبلكم ع اللى عاوزة اجيبو وانتو بقى انصحونى لو فى اى تعديل
وانا هجيب لبس لاول 3 شهور بس
الملابس الداخلية:
6 فانلات بنص كم مقاس 0-3
6 فانلات كت مقاس 0-3
وعاوزة اعرف اجيب بكم ولا لا عشان الولادة ع بداية الصيف؟؟
وسؤال كمان اجيب فانلات بكباسين ولا من غير من تحت؟؟
12 بنطلون داخلى 0-3…… قالولى فى الصيف بيغيرو كتير
ملابس البيت:
5 سالوبيت او بيجامات مقاس 0-3
ملابس الخروج:
3 طقم خروج مقاس من 0-3
وممكن 2 طاقية قطن و2 شراب
6 بافيتات
بنات هو ممكن البسها فساتين فى اول 3 شهور؟
2 كوفرتة واحدة للبيت+واحدة للخروج (بس مش عارفة اجيب بطانية ولا لا؟)
فوطة كبيرة بغطاء للاستحمام
فوطة بدون غطاء للمسح بعد تغيير الحفاضة
شنطة البيبى
شنطة لمستلزمات البيبى
دى الحاجات الاساسية اللى عاوزة اجبها دلوقتى
هل فى حاجة ناقصة من الاساسيات؟
وانا حاطة ميزانية 1000 جنيه للبس دا هل هحتاج اكتر ولا كدا كويس؟
وربنا يقوم كل الحوامل ع خير ياااااااا رب
ومتنسووووش تجاوبو ع الاسئلة اللى فى وسط الكلام
tamtam924 tamtam924 فتكات نشيطة Fatakat 369507 القاهرة – مصر