السلام عليكم
انا لسة كنت بقرأ توبيك بعنوان تجربتى الاولى بكتبهلكم بعد ما نجيت من الموت ((ٌقيصرى ))
والصراحة دمعت في الأخر وحمدالله علا سلامتك يا صاحبة الموضوع
بس انا بقيت مخضوضة من ساعتها
انا كان عندي حمى روماتزمية من زماان فعلا بس انا للأسف معرفش تفاصيلها ايه
كل اللي أعرفه واللي بابا قالهولي اني لما عملت عملية اللوز وانا صغيرة 4 سنين نزل صديد على القلب تقريبا وعلى الرجل مش متأكدة يعني
وبعديها بقيت اشتكي من رجلي بتوجعني مع اني مش فاكرة اول م بدأت اشتكي
لكن كل اللي انا فاكراه اني كنت بروح ل دكتورة كل فترة يعملولي تحاليل ويشوفوا الأنيميا وكانت بتكتبلي على برشام أوسبن
وكانت في مرة وانا في اعدادي قالت تاخد حقن بس طلع عندي حساسية منها وقالت كملي على الاوسبن
وانا كنت كل يوم بدأت أزهق من البرشام وبدأت أمل منه لدرجة اني جيت في ثانوي وبطلته مع نفسي وبابا كان يقولي لازم تاخديه وانا مبرضاش خالص لأني زهقت سنين كنت باخده ومش عارفة ليه ولما بسأل بابا يقولي دي وقاية
ومن ساعتها لا روحت لدكتورة ولا باخده وكنت بتناسى موضوع الروماتزم ده بحس اني لو قولت الكلمة دي اني مريضة ومش كويسة
ومرة بعديها بكذا سنة لما بطلته سألت بابا مرة كدة قالي ده بيحمي القلب عشان الحمل وكدة والصراحة كنت في ثانوي اتكسفت أسأله عن تفاصيل أكتر وقولت في بالي ليه طيب يقولي وقاية وهو كان مهم وأعدت بقى طول السنين اقول شكلي مش هحمل وكنت بكتئب وسيباها على ربنا
والحمدلله انا حملت والدكتورة كانت سألتني في شي أمراض او كدة قولتلها لأ ومجبتش سيرتها , الصراحة اتكسفت من زوجي اني اقول كدة وانا عمري م جبتله سيرة بيها
هو كدة ممكن يبقى في تأثير وكمان بقى بالمرة حد يفهمني يعني ايه روماتزم وبيجي فعلا من العملية ولا ايه وهل لقدر الله يأثر عليا
صعب اسأل الدكتورة لأن زوجي بيجي معايا هقولها ايه
وايه موضوع الزلال ده ؟؟ بيجي من ايه
انا اعرف كلمة زلال يعني زلال البيض؟؟وانا يوميا بحب أقلي بيضتين وأكلهم
حد يطمني الله يخليكوا
LO2LO2a LO2LO2a فتكات هايلة Fatakat 726211 Riyadh – KSA