بسم الله الرحمن الرحيم
السلام عليكم ورحمه الله وبركاته
اولا رددو معايا سبحان الله وبحمده سبحان الله العظيم
وصلو علي سيدنا وحبيبنا وشيفعنا سيدنا محمد عليه افضل الصلاه والسلام
ادعو لكل اخواتنا المشتاقات بالزريه الصالحه الشافيه العافيه تامه الخلقه عاجلا غير اجلا
وان ربنا يرزقني انا وكل مشتاقه بالولد الصالح ويرزق كل ال نفسها في بنت بالبنت الصالحه الا بتتمنها انه علي الله هين وييسير
الموضوع الا هاتكلم فيه دلوقتي شغلنا كلنا وانا اولكم لاني معايا بنتين وحامل وكان نفسي ربنا يكرمني بولد بس الحمد لله الا ربنا يديهولنا كله خير من عنده
كنت شغلي دماغي بعلامات الحمل بولد والفرق بين البنت والولد في الحمل وعشمت نفسي ان الحمل مختلف فقلت لازم اعمل الموضوع ده علشان كلنا نستفيد مع بعض لانك فعلا لما بتحطي الموضوع بتاع الاختلاف ده في دماغك بتتعبي نفسيا
فالافضل نتوكل علي الله ونطلب منه الزريه الصالحه وربنا يرزقنا يارب جميعا مانتمني
هتكلم عن حملي في بنتي الاولي وعلاماته
الوحم كان وحش جدا جدا ترجيع وقرفه ومكنتش بعرف اكل لقمه غير وارجعها
شكلي اوحشيت جدا جدا مع انهم كانو يقولو البنت تحلي مامتها والعكس
بطني كانت صغيره مظهرتش غير في اخر السابع وكانت مشعره جدا
الكلف ملي رقبتي ووشي وحساسيه وحاله صعبه
كان عندي رغبه ملحه في النوم مع وجود ارق في الشهور الاخيره
عرفت النوع في السابع
ندخل بقا في بنتي التانيه
شكلي حلو مكنش في اي تغير نهائي غير يادوب رقبتي لون بني لا يكاد يزكر
الوحم كان الترجيع برده مجرد ماشرب ميه ارجع وكان تعب في اول 3 شهور نفسي بنتي الاولي مع اختلاف الشكل
شكل بطني كان عادي وبرده كانت صغيره
النوم كان عادي
كده يبقا الحاجه الوحيده المتشابه مابين الحمل الاول والتاني هو الترجيع والقرفه
نيجي بقا للحمل ده انا حاليا في التاسع والدكتوره قالتلي برده بنت بالرغم اني في الاول كنت حاسه انه ولد علشان الحمل مختلف جدا والوحم وحتي احلامي كان ساعات بنت وساعات ولد بس الحمد لله علي عطاء ربنا
اعراض الحمل
الغثيان ولله الحمد مكنش في غير خفيف جدا جدا لايذكر
الترجيع مرات بسيطه غير حملي في المرتين الافاتو الشكل كمان كان عادي لغايه السابع مفيش اي تغير
الاختلاف كان في شكل البطن كبيره اوي اولا
السره لبره غير المرتين ال فاتو كانت لجوه
ظهور خط طولي في بطني من تحت السره لونه اسود خفيف مع العلم انه مكنش موجود
الشعر برده في البطن كتير زي قبل كده
يعني كده معني العلامات دي ان الحمل ده ولد بس في 2 دكاتره اكدو انها بنت
لاني دورت كتير علي الاختلافات مابين الولد والبنت
علشان كده حبيت اعمل الموضوع ده علشان الابيدورو زي عن العلامات دي حبيت اعرفهم ان كل حمل وليه ظروفه
واختلافاته
وياريت ال عندها تجربه تفيدنا بيها
استغفرك ربي واتوب اليك استغفرك ربي واتوب اليك 456177_1.gif فتكات متميزة Fatakat 456177 الرياض – السعوديه