فيه كتير مننا طبعا بيجيله نقص في الهيموجلوبين وخصوصا الحوامل وانا كنت واحده منهم كنت بعاني منه وطبعا اثناء الولاده كان وشي اصــــــــــفــــــــــــــر لدرجه ان الممرضات قالولي (مال وشك اصفر كده ليه انتي كان عندك مشاكل في الحمل؟) لكن الحمد لله ولدت بالسلامه وقلت افيدكم بالمعلومات ده وعن تجربتي الشخصيه زي مانا متعوده مقولش حاجه لفتوكاتي حبايبي الا اذا كنت واثقه منها ومجرباها
طبعا لما بتروحي للدكتور وتلاقي عندك نقص في الهيموجلوبين على طول يقولك كلي كل حاجه فيها حديد زي الخرشوف والباذنجان والسبانخ والتمر او البلح و…و…و….. ويديكي برشام حديد وخلاص على كده
وده علشان ان الجنين بيسحب من جسمك … المهم بقى انا عملت زي ما بيقولوا وكنت بفترى في الاكل كمان وجبت تمر سعودي وكنت بجيب الكيلو منه قبل ما الاسبوع يخلص بجيب التاني لدرجه اني طخنت 4 كيلو مره واحده في اقل من شهر
واكلت كل حاجه فيها حديد وكنت اروح احلل الاقي النسبه بتقل ولما ربنا يكرمني الاقيها ثابته زي المره اللي فاتت
المهم بقى مره فطرت ورحت حللت لقيت النسبه عاااااااااااليه لدرجه موصلتلهاش قبل كده فبقيت كل مره قبل التحليل اعمل كده واحلل الاقيه واااااااااااو
السر بقى في الاتى وجربوه وحتدعولي بس تعملوه بحزافيره
حتجيبي عيش وتجيبي طبق صغنون فيه عسل اسود وهاتك يا تغميس
وبعد ما تخلصي تعملي وراها على طول كوبايه عصير ليمون او اي حاجه فيها فيتامين سي زي البرتقال والجوافه بس انا كنت بشرب ليمون
وانا بشرب عصير الليمون بقى باخد برشامه الحديد وانا كنت باخد برشام اسمه فيروترون برشام رااااااااااائع بمعنى الكلمه ورحت لكذا دكتور محدش اختلف عليه
ده نصيحتي ليكم لان بجد الموضوع ده مهم فقلت لازم انبهكم واكيد كتير منكم عارف الكلام ده بس انا برضه قلت افيد
واللي تجرب وتلاقي نتيجه كويسه تدعيلي
contesa contesa 135274_1.gif فتكات هايلة Fatakat 135274 الاسكندريه – مصر