فقدت عذريتها بسبب ركوب الدراجه…!!
كتير بنسمع من اصاحبنا او من اهلنا و بنقرا على مواقع النت ان واحده فقدت غشاء البكاره وهو المرادف للعذريه عند الشعوب العربيه ،نتيجه ركوبها العجله او وقوعها ع المقعده وقعه شديده او بسبب الميه بتاعه الشطاف ولا احياناً بسبب الإلتهابات النسائيه…
طيب يا ترى الكلام ده صحيح..كله ولا جزء منه ولا كله غلط؟ علشان نقدر نحكم لازم نفهم الاساسيات التشريحيه لتركيب الجهاز التناسلي للأنثى ونعرف الاول معلومات كفايه عن غشاء البكاره
ح نلخص الموضوع في 7 اسئله ليها 7 اجابات
1- إيه هوه غشاء البكاره وفين مكانه؟
– غشاء البكاره هو غشاء رقيق يتكون في الغالب من طبقتين ويكون سميك من الاسفل ورقيق من الاعلى..ورغم انه بيعتبر تشريحياً جزء من الاعضاء التناسليه الخارجيه إلا انه بيقع على بعد 2.5 إلى 3 سم من فتحته المهبل وعاده بيوجد فيه فتحه تترواح مابين 3.5 إلى 5 ملليمتر
2-هل غشاء البكاره نوع واحد ولا عده انواع؟طيب ممكن بنت تبقى مولوده من غيره؟
– طبعاً في انواع عديده من غشاء البكاره بس الاول ح نجاوب ع الجزء التاني من السؤال هل ممكن تتولد بنت من غير غشاء بكاره؟..والجواب انه رغم ان الحالات دي نادره جداً على مستوى العالم..لكن بتحصل وممكن واحده تتولد من غيره ..انما في معلومه لازم نعرفها..غشاء البكاره بيتكون في الجنين الانثى نتيجه لإلتحام الثلثين الخلفيين من المهبل مع الثلث الامامي .. يبقىفي حاله عدم وجود غشاء البكاره غالباً بنلاقي عيوب خلقيه اخرى في المهبل والجهاز التناسلي.. والمعدل العالمي لحالات عدم وجود غشاء بكاره<0.03% ووفقاً لدراسه اعدتها جامعه اكسفورد فإن القول بوجود فتاه مولوده بدون غشاء بكاره وبدون أي عيوب خلقيه في جهازها التناسلي يعد نوع من الخرافات
اما انواع غشاء البكاره فهي كالآتي من الأكثر شيوعاً إلى الاقل شيوعا
ً
1-الحلقي :وهو ذو فتحه واحده ولكن قد يوجد به فتحتين وهذا نادر
2-الهلالي :وقد يكون اماميا او خلفياً
3-المسنن او مدبب الحواف
4-النجمي:فتحته تشبه النجمه
5-الغربالي:به فتحات كثيره صغيره
6-ذو الحاجز:يكون الغشاء جزء سميك في المنتصف
7-ذو الحاجز الناقص:جزء سميك من الغشاء في المنتصف ولكنه لايقسم الغشاء الى نصفين حتى اخره
8-صغير الفتحه: فتحته اقل من 2.5 مل
9-المسدود:بدون فتحات على الاطلاق وتحتاج البنت في هذه الحاله إلا التدخل الطبي لعمل فتحه به حتى لا يتجمع دم الدوره
3-امال ايه هوه الغشاء المطاطي اللي بنسمع عنه؟
الغشاء المطاطي ممكن يكون أي نوع من اللي فاتوا..وهو موجود عند 10 % من البنات..ومعناه ان غشاء البكاره بيكون مرن ومطاط لدرجه انه مايتقطعش عند حدوث المعاشره الجنسيه.. وبالتالي لاينزل دم ..زمان كانت البنات اللي عندها غشاء مطاطي ممكن تتهم بإنها غير عذراء لكن الحمدلله متهيألي الحقيقه دي بقت معروفه وكل الناس حالياً عندها خلفيه عن حكايه الغشاء المطاطي دي
4-هل لازم ينزل دم عند فض غشاء البكاره؟
في معظم الحالات لازم بينزل دم بس بتكون كميته بسيطه الاستثناء ان ماينزلش دم خالص زي الغشاء المطاطي..او ينزل غزير في حاله حدوث جرح داخل المهبل وطبعاً بيبقى فيه ألم بسيط مصاحب لفض غشاء البكاره
5-ايه اللي ممكن يسبب تمزق غشاء البكاره؟
1- العلاقه الجنسيه:وطبعاً كلنا عارفين كده..رغم ان ممكن يحصل علاقه جنسيه من غير قطع غشاء البكاره..زي في حاله الغشاء المطاطي.
2-العاده السريه:ومعناها للي مايعرفش محاوله الشخص انه يثير نفسه جنسياً بإستعمال ايديه او أي ادوات اخرى في منطقه الفرج والمهبل..طبعاً البنت ممكن تقطع غشاء البكاره خلال تكرارها لممارسه العاده السريه
3-الحوادث الكبرى: اللي بتكون فيها اصابات وكسور بمنطقه الحوض..زي حوادث العربيات والقطارات ..
4-التدخل الطبي:زي في حاله الغشاء المسدود..لأن البنت ممكن تخسر الرحم والمبايض بسبب تجمع الدم داخل جسمها..وممكن مع الاهمال اكتر تموت..يبقى لازم الدكتور يعملها فتحه في الغشاء لكي يمر الدم منها..وبيتم إعطائها شهاده بذلك
5- الحشوات المهبليه:ودي ما بنستعملهاش هنا…دي عباره عن فوط صحيه توضع داخل المهبل ايام الدوره الشهريه بديلاً عن الفوط الصحيه العاديه
6-طيب وركوب العجل او الوقعات الجامده او ميه الشطاف الشديده..مش ممكن تسبب تمزق غشاء البكاره؟
علشان نجاوب ع السؤال ده لازم نفهم شويه حاجات…المهبل وغشاء البكاره مش افقيين تماماً …لأ دول بيميلوا على الافقي بزاويه تقارب30 درجه وبالتالي أي خبطه افقيه او تيار ميه مش ح يأثروا على غشاء البكاره إلا لو كانوا واخدين نفس زاويه الميل وفي عكس الاتجاه
بعدين فيه حمايه لغشاء البكاره من نوعين…
حمايه للغشاء لنفسه..بيزيد قوته وسمكه مع التقدم في السن ..وليه درجه مرونه وتمدد عاليين وكمان وجود فتحه خروج الدم به كل ده بيقلل من تأثير أي قوه عليه..وعلشان يتقطع لازم يتم اختراقه بجسم صلب اطول من 3سم -المسافه اللي هو موجود عندها في المهبل زي ماقلنا فوق- ولازم الجسم ده يكون عمودي عليه يعني مايل بزاويه 30 على الافقي ولازم يكون سمكه اكبر من الفتحه الموجوده في الغشاء واخيراً يكون مندفع بقوه اكبر من مرونه الغشاء وقدرته على التمدد..تمام؟
طيب فيه بعد كده حمايه الجسم للغشاء بمعنى ان الشفرين الكبيرين وتحت منهم الشفرين الصغيرين بيقفلوا فتحه المهبل تماماً في معظم الاوقات وعند وجود اصابات في منطقه الفرج بسبب وقعه اوسقوط بتكون الاصابه غالباً فيهم هما ده غير انه فيهم كميه دهون بتعمل على امتصاص الصدمات..تمام زي الوسائد الهوائيه اللي بتحمي السواق في حاله حصول حادث سياره
يعني نركب عجل وخيل ونعوم ونجري براحتنا..بس برده نفتكر ان خير الامور الوسط
الإلتهابات المهبليه مالهاش تأثير على غشاء البكاره لأن الحكه او الهرش بتبقى في منطقه الفرج والشفرين الصغيرين لكن ده مايمنعش انها بتحتاج علاج علشان هي ممكن تتطور وتوصل للرحم وممكن تسبب عقم للبنت إذا أُ هملت لمده طويله
7- إمتى اسمح لدكتوره النسا بعمل فحص نسائي ليا إذا كنت لسه بنت؟
دكاتره النسا مش بيحتاجوا يعملوا فحص نسا لبنت حتى لو عندها إلتهابات..وإذا إضطروا بيبقى الكشف ظاهري بس يعني لا يصل لغشاء البكاره
يبقى الدكتوره مش لازم تكشف عليكي بفحص نساء..إلا إذا كنتي انت عايزه تطمني على غشاء البكاره..وطبعاً لازم يبقى في حد من أهلك موجود معاكي..حتى لو انت بتكشفي عند دكتوره ست…
معلش انا طولت عليكم لكن حبيت اديكم كل المعلومات اللي جمعتها..علشان ان شاء الله تكون الاستفاده كامله…في انتظار ارائكم واقتراحاتكم..ويارب يعجبكم الموضوع
المصادر:
-loftslert,centre for victims of sexual assult.
-BMJ, Rogers DJ, Stark M ,British Medical Association.
-Oxford university free medical researches,june 2024.
-New York times blog.
-Oxford hand book of clinical specialties
نوسو بابا نوسو بابا 150550_1.gif ممنوعة من المشاركة Fatakat 150550 بورسعيد – مصر طبعا