ازيكوا يا بنات عاملين ايه جميعا
يارب يتم حملنا جميعا على خير ونقوم بالسلامة
انا بقى معايا بنتين وحامل دلوقتى فى نص الرابع
من اول يوم فى الحمل وانا عماله ادور زيكوا كلكم
على الفرق بين الولد والبت فى الحمل
لانى حاسة تن فى فرق كبير بين الحمل المرة دى والحمل المرتين اللى فاتوا
فضلت ادور واقرى كل المواضيع الخاصة بالموضوع دى لدرجة انى شغلت نفسى بيه زيادة عن الزوم
المهم لقيت كل اللى بيحصلى البنات كاتبين عليه فى المدونة
وكلها علامات الحمل بولد
من اول شكل كيس الحمل لو كان بيضاوى يبقى ولد لحد قلة الوحم وقلة الترجيع وكل المواصفات تنطبق عليا
وكنت بعد الايام لحد ما جى الشهر الرابع وعملت السونار الثلاثى علشان اطمن
ولكن قدر الله وما شاء فعل الدكتور قالى انتى حامل ببنت
وكان مفجاه ليه انا مزعلتش انها بنت لكن زعلت على الوقت والمجهود والتعب فى التفكير فى انه ولد ولا بنت
عملت والله يا بنات كل حاجة قالوا عليها البنات هنا فى المدونة من الاستغفار بنية انجاب الولد
للصدقة بردو بنيه انجاب الولد
ولكن الحمد لله دى اراضة ربنا وانا راضيه بيها
انا كتب الموضوع دى علشان عاوزة كل واحدة حامل متعملش ذيى وتشغل وقتها ودمغها يالموضوع دى
ولد ولا بنت كل اللى يجيبه ربنا كويس هو بادينا يعنى
وسبيها على ربنا وقولى زى يا رب
يا رب مكونش طولت عليكم بس حبيت افدكم من اللى حصلى علشان ميحصلش معاكم
تعالوا يالا احكولى حصل معاكم ايه
نوسة نسنوس نوسة نسنوس فتكات هايلة Fatakat 474914 الطائف – السعودية
سبحان الله و بحمده