أنا قولت أكتب الموضوع دا علشان الفتوكات حبايبي يستفيدوا وما يتخضوش
أنا أختي الصغيره ٢٧ سنه ولسه بنوته مش متجوزه أول امبارح لقت في جنب الثدي حته مكلكعه وامبارح زادت شويه .. قالتلي أنا ومامتي وهي بتعيط وخايفه وقالتلي أنا دخلت عالنت وعرفت انها ممكن تكون حاجه عاديه <<< وممكن لا سمح الله يكون حاجه وحشه المهم هي كانت مفتوره من العياط والخضه وهي أصلا عندها مناقشه ماجيستير يعني مضغوطه نفسيا أنا قولتلها لازم نطمن ونروح للدكتوره وأعتقد ان التوتر اللي انتي فيه ممكن يعمل خلل في الهرمونات
المهم ما أطولش عليكوا وديتها لدكتوره نسا صديقه لينا وكشفت عليها وقالتلها يعني صح اننا نطمن عند الدكتور بس مش أول حاجه افتراض السيء كده
المهم طلع زياده في هرمون اللبن ومافيش أي ورم ولا حاجه الحمد لله حمدا كثيرا واديتلها دوا علشان ينشف اللبن دا وبس
ياريت ماحدش يتوقع السيء أول شيء… ودايما نلاحظ نفسنا ونستشير الطبيب قبل ما نحول حياتنا لجحيم القلق
شرشورة أرت شرشورة أرت فتكات نشيطة Fatakat 401499 ٦ أكتوبر – مصر