انا متزوجه من ثلاث سنوات ومحصلش حمل وعملت حقن مجهري مرتين وبرضه محصلش حمل الحمد لله علي كل شئ ارجوا الدعاء ليه ولكل وحده ربنا مرزقهاش بالخلف الصالح
انا عملت الموضوع ده عشان منفقدش الامل وهجمع فيه مشاركات ومداخلات للبنات تزود عندنا الامل والتفاؤل يااارب ارزقنا جميعا وكل وحده عندها موضوع مشابه يزود الامل عندنا عشان البنات متفقدش الامل وتعرف ان ربنا كريم اوي وان شاء الله يعوضنا خير
نبدا الحكايات يااااارب ثبت لهم حملهم جميعا وعقبالنا ياااارب
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&&&&&&&&&&&&
الحمد لله و اخيرا بعد خمس سنين من العذاب انا حامل
الحكاية باختصار اني متجوزة من خمس سنين و لفيت على الدكاترة كلهم و وصلوا في الاخر ان ما فيش سبب واضح لعدم الحمل في اسباب صغيرة بيعالجوها بس في ستات بيحملوا بيها…و اخر دكتور من سنة قاللي نعمل عملية منظار نستكشف و و قاللي كان في شوية تكيسات و عملتلها كي بس برضه دة مش سبب واضح لعدم الحمل لانها ما كانتش كتير و بعد سنة من العملية برضه مافيش حمل…..المهم خلاص نوينا نعمل عملية تلقيح و قعدنا نختار الدكتور و المركز الكويس اللي هنعمل فيه الكلام دة الشهر اللي فات..و بعدين انا بعد البيريود ما خلصت و التبويض جه لقيت الالم فظيع قلت التبويض الشهر دة جامد الحمد لله ركزنا مع ايام التبويض و بعدين بعد ما خلص التبويض الوجع مش بيروح…قلتله تفتكر حامل قاللي انتي عبيطة ما يبانش خالص…بسلامته دكتور و ما بياخدش بكلامي و قال ايه لازم بعد البيريود عشان احس اني حامل و اي كلام بقوله هجص ههههههههههه….المهم انا حاسة بايه حاسة بوجع في الظهر و البطن زي البيريود و التبويض تمام..ما صبرتش دخلت على فتكات و قلت اشوف التجارب ايه و عملت موضوع من 15يوم تقريبا بسال فيه عن الاعراض دي في ناس قالتلي ممكن حمل و ناس قالت ما يبانش….المهم ماصبرتش قبل ميعاد البيريود ب 8 ايام رحت عملت تحليل الحمل الرقمي في المختبر قال ايه مش حامل النسبة 1.4 و هي لازم تكون 5 عشان اكون حامل طبعا اكتأبت بس قلت خلاص الحمد لله…جوزي قاللي خلاص بقى اتأكدتي انك مش حامل نروح للدتور عشان نبدأ اجراءات العملية…و روحنا فعلا و الدكتور عمل منظار و قلتلة على الالم اللي كان عندي بس في المنظار وقاللي انتي تبويضك كان جامد الشهر دة هههههههههههه ضحكت عليهم كلهم و كنت حامل في السر هههههههه….المهم معلش اصلي فرحانة و بحكي بالتفصيل….المهم يا فتوكات…تعدي الايام و الدكتور طلب مني تحاليل بقى عشان التلقيح رحت عملتها و المفروض اروحله بعد البيريود علطول الهان ما بتجيش يوم اتنين طنشت و بعدين قلت لجوزي تفتكر انا حامل و الدكتور ما شافش قلي يا بت انتي هبلة ما توهميش نفسك خلاص احنا هنعمل العملية….المهم امبارح صحيت من النوم صدري بيوجعني قلت خلاص البيريود هتيجي و بعدين انا بكتب على الموبايل مواعيد البيريود قلت انا ما عدتش هي اتاخرت قد ايه لما اشوف لقيتها متاخرة 5 ايام…معرفش ايه اللي نزل عليا وقلت انا هجيب اختبار حمل من الصيدلية مع اني خلاص متاكدة اني مش حامل و جبت اتنين قلت للشهر الجاي واحد هبقى عملت العملية خلاص….و عملت الاختبار و فضلت واقفة جنبه ثواني انا متعودة ان الخط الاول بيبان بسرعة و التاني بفضل مستنياه خمس دقايق و ما بيجيش فجأة في ثواني لقيت الخطين حمر كدو و منورين جتلي صدمة و جوزي كان بيعير كاوتش العربية و بنت خالتي بايتة عندي و قاعدة برة طلعت بترعش و بعيط و كان هيغمى علية من الصدمة ما كنتش فرحانة كنت حاسة اني بحلم و دة مش طبيعي اصل بقالي 3 شهور ما فيش لا منشط و لا حقن و لا اي حاجة خالص ناديت بنت خالتي و بعدين ابتديت اضحك و اعيط وبعدين عملت التحليل التاني طلعوا خطين برضه رحت مكلمة جوزي و انا بضجك واعيط و قلتلة بالضبط(انا عندي خبر غريب….انا حامل) هههههههه ماصدقش و قعد يضحك و يقوللي انا انزل اغير الكاوتش ارجع الاقيكي حامل هههههههه …نزلنا عملنا تحليل دم طلعت الحمد لله حامل قعد يبوس فية و يحضني في المعملو الشارع و انا جوزي بيتكسف مش جرئ بس هو ما كانش يا حبيبي حاسس…طبعا بعد نص ساعة العيلتين كانوا عندنا في البيت و زغاريط و فرحة من الكل خليتني مش مستوعبة ايه اللي بيحصل و عملولي حفلة و تورته وكان يوم الحمد لله و الشكر لله من اجمل ايام حياتي….المهم في الاخر اني بدعي لكل واحدة لسة ما حملتش انها تحمل انشاء الله وكل واحدة حامل تولد بالسلامة و انا هروح للدكتور النهاردة عشان ابتدي متابعة يا رب يطمني و يكون حملي طبيعي و ما فيهوش مشاكل بإذن الله,,,يا رب يفرح المسلمين جميعا و يرزق كل محتاج اللهم امين
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&&&&&&&&&&
انا من اللى كانوا منتظرين الحمل الشهر دة وكنت مش عايزة اعشم نفسى زى كل شهر بس قولت ادخ اشارك فى الموضوع لعلى اخد دعوة عن ظهر غيب من اخت من الاخوات دعوتها مستجابة ان شاء الله
واللهم لك الحمد بقيت حامل فعلا الشهر دة بعد ما البيريود اتاخرت مرضيتش اروح احلل دم قولت احلل تحليل منزلى فى البيت بعد اسبوع من تاخر البيريود والحمد لله طلع خط خفيييف بس ظاهر ما استنتش رحت للدكتورة على طول وفرحتنى وبشرتنى بالحمل وعملت كمان جدول متابعة حمل ودة بعد صبر مش هقول كتيييييييييييييييييير بس صبرت 10 شهور ومكنش فية اى مشكلة الحمد لله عقبال كل محرومة ربنا يرزقها يااااااااااااااااااارب بالذرية الصالحة النافعة
انا الشهر دة بس حسيت باعراض مختلفة عن البيريود شوية حسيت انى بالليل ببقى عندى حرارة شوية والم خفيف فى الثدى وصداع مزمن طول النهار بس كله يهون علشان خاطر النونو
واهم حاجة بجد والله انك تشيلى الموضوع من دماغك علشان ما يكونش فية تاثير على الحمل بسبب النفسية الوحشة وبقالى فترة بدعى ربى لاتذرنى فردا وانت خير الوارثين ودى بقى هية الاساس والله فى كل سجدة
ربنا يتمملى على خير قولو اميييييييييييين وعقبال كل واحدة نفسها فى كلمة ماما
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&&&&&&&&&&
انا اخيرا حامل وقصتى دى ادخلو باركولى
السلام عليكم ورحمة الله وبركاتة انا حملت يابنات بفضل دعاءكم انا اتجوزت وجوزى قد معاى شهر وسافر وبعد شهرين رجع تانى وسافر ورجع بعد 7شهور ومحملتش وبعدين سافرت معاة الكويت زيارة 3شهور ومحملتش برضة كنت بستغفر وادعى ربنا كتير وقربت 3شهور تخلص ومش حصل حمل ومش ينفع يجدد الزيارة تانى لازم اغادر البلد سافرت عند اخويا فى قطر قعدت يومين ورجعت الكويت تانى ب3شهور زيارة جديدة ومش حصل حمل فيهم و3شهور هيخلصو برضة من غير حمل سافرت تانى قطر وقعدت مع اخويا يومين ورجعت تانى الكويت ب3شهور جديدة والله يابنات دة حصل بالظبط عدى شهر مش حصل حمل برضة لو تتصور المصاريف كتير قوى والكشف والله يابنات اكتر من 60000جنية المهم جينا للشهر دة رمضان وكان ميعاد البريود 26رمضان واتاخرت يوم والتانى والتالت والرابع وانا بفتكر تاخير عادى اصل هى مش منتظمة عندى وباخد دواء ينزلها فجوزى قالى تعالى النهاردة نعمل تحليل دم ومش تخسرى حاجة علشان نطمن بس فرحت النهاردة وعملت التحليل والبنت اللى جابت نتيجة التحليل هندية مش فهمت كلامها جوزى فهم طبعا علشان بيتكلم انجليزى كويس وبعدين جوزى مسك ورقة نتيجة التحليل ويدة بقت ترجف والله قولتلة فى اية قاللى انتى حاااااااااااااااااااااااااامل ياهبلة الارض بقت تلف بيا ومصدقتش اجمل فرحة فى حياتى كنت بعيط من اول رمضان وادعى ربنا ياااااااااااااارب تخلى شهر رمضان يخلص وانا حامل والحمد لله ربنا كارمنى وعقبال كل مشتاقة يااااااااااااااااااااااااااااااااارب ادعولى الجنين يثبت بحبكو فى الله
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&&&&&&&&&&&&&&&&&
انا صاحبة موضوع انا نازلة اعمل تحليل حمل دلوقتي
السلام عليكم يااجمل فتوكات
اللهم لك الحمد كما ينبغي لجلال وجهك وعظيم سلطانك
انا يافتوكات عملت موضوع من حوالي 5 ايام كنت رايحة اعمل تحليل حمل لان حملي متاخر وكانت البريود متاخرة يومين وكان عندي احساس قوي اني حامل وطلبت منكم تدعولي ورحت عملت التحليل وانا بقدم رجل واخر رجل وكنت خايفة قوووووي رحت اعمل التحليل في معمل من اشهر معامل مصر وطلع اافني وقالي اني مش حامل انهرت والله ده انا كان عندي احساس فظيع المرة دي بالذات ان ربنا هايكرمني وبقت رجلي مشش شايلاني من الزعل
ومعرفش ليه كنت حاسة ان ربنا المرة دي بالذات مش هايخزلني ابدا استنيت 5 ايام وعملت النهاردة تحليل منزلي وطلع خط بمبي خفيف قوي رحت اعمل تحليل دم تاني النهاردة وانا مش قادرة خلاص كان فاضل اعيط من كتر القلق وطلع الفني قالي
مدام……….. في حمل
اول كلمة نطقتها الحمد لله
اقولكم بقى على السر اللي خلاني احمل بعد مدة من الرغبة في الحمل
1- دخلت كذا مرة المدونة الجميل ده وطلبت من اخواتي هنا انهم يدعولي
2-استغفرت ربنا كتير وكنت علطول بستغفر وانا في المواصلات
3- دعيت ربنا وانا كلي يقين بالاجابة وبكيت وقلت يارب ماتحوجني للدكاترة وفرح قلبي وتجبر بخاطري
(انا كنت اصلا رحت لدكتور واداني لستة ادوية ومنشطات وموال ملهوش اخر بس معرفش ليه قلبي مستريحش للدكتور ورفضت اخد علاجه وكنت قررت اروح لدكتور تاني)
4- كنت بدخل ادعي لكل واحدة هنا نفسها في الحمل وكمان دعيت لاخواتي في الصلاة
والله العظيم ربنا ده جميل قووووووووي وكريم ولما كنت بدعي قبل كدة مكنتش موقنة بالاجابة _استغفر الله العظيم -ولما دعيت وانا واثقة من الاجابة ربنا كان عند حسن ظني
انا عند حسن ظن عبدي بي فليظن عبدي بي ما يشاء
على فكرة انا لسة عارفة من شوية اني حامل ومحدش يعرف اني حامل غير امي وانتم وصليت مرتين شكر لربنا لان ربنا كريم جداااااااااا
ادعولي ربنا يتمم حملي على خير ويرزق كل مشتاقة ومتنسوش تقولوا ما شاء الله يااحلى صحبة
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&&&&&&&&&&&&&&&&
مفجأة حمل بعد 10 سنوات بفضل الله و السبب مفجأة
بسم الله الرحمن الرحيم
اقسم بالله ان ما حدث و ما سوف ارويه انا ( عالمى ) حقيقة
تزوجت انا و اخى فى نفس الشهر ( شهر 8 من عشر سنوات ) و ربنا كرمنى بنت بعد 9 شهور وتوفت و بعد 3 شهور من الوفاه رزقنى بنت و اثناء الرضاعة حملت فى ابنى و بنتى كان عمرها 4 شهور و دلوقتى الحمد لله ربنا عوضنى بعمار و سميه 6 و نصف و 5 و نصف و هذا فضل الله معلش طولت عليكم المهمممممممممممممممممممممممممطول الفترة دى كانت مرات اخوية (س ) بتتمنى انها تخلف و الحق يتقال هى فى منتهى الاخلاق و الاحترام و حبيبة قلبى .راحت لدكترة يامة و اخذت علاجات كتير و الامل فى ربنا لم ينقطع عملت منظار و عملت تثقيب على المبيض علشان التكيسات و السنة اللى فاتت قلنا نروح الصعيد مع بعض علشان نغير جو و روحنا و هناك قعدت ازن على اخوية انة يقضى معاها ليلة عند عمى مع بعض ووافق و المفجأة لما رجعنا و فى معاد الحيض منزلش دم انما هى طبعا محللتش علشان هى و اخدة على كدة يعنى اختلا ف ميعاد الحيض وفجأة كانت فى مشوار و لقت دم كتير نزل عليها بطريقة غير عادية و لما راحت لدكتور قلها ان دا سقوط و مش قدرة اقولكم مقدار الحزن و الاسف لهذا الخبر مع الفرحة لحدوث حمل بعد 9 سنين لاكن قدر الله و ما شاء فعل .
و بعد مرور سنة مع اخذ الادويه كان عندها التبويض عالى قولتلها تيجى تنام عندنا ليلة لعلى و عسى و فعلا وفقت و قلنا نغير المكان يمكن يحصل زى ما حصل فى الصعيد و المفجأة الكبرى و لله الحمد و الشكر فى ميعاد الحيض مفيش حيض لكن المرة دى جريت و عملت تحليل و حصل و لله الحمد و هى دلوقتى حامل بفضل الله و تغير المكان ما هو الا سبب و احنا أخذنا بالاسباب وأخير اتمنى منكم الدعاء بظهر الغيب لانها فعلا تستهلو
creation_2017 creation_2017 images/avatars/pacifier.jpg سوبر فتكات Fatakat 339534 مصر – بيتي الصغنون