السلام عليكم
ازيكو يا بنات ساعدونى لانى متدايقة جدا و مكتئبة
باختصار اللوب انا حطاه من 4 شهور معشتش فيهم يوم من غير يا دم يا افرازات بنى و يوم ما يقف الكلام ده ينزل دم بعد الجماع
انا جوزى بجد اتدايق جدا و قالى لازم تشيليه و هو مصمم مع العلم انى الحبوب تعبتنى قبل كده و هو رافض يحط مانع و انا بجد مش عارفة هعمل ايه اما اشيله ربنا يتولانى بقى انا بنتى داخلة على السنة اهو و هو معندوش مشكلة فى طفل تانى دلوقتى بالعكس ده نفسه بس انا اللى متمرمطة معاها و مش ملاحقة على البيت و عليها
المهم يعنى انى ان شاء الله هشيل اللوب و انا تركيبه كان مؤلم جدا بالنسبالى و خايفة اوى من خلعه
قولولى بقى هو خلعه بيكون وحش زى تركيبه كده و لا ايه و هما اصلا بيشيلوه ازاى
يعنى الدكتورة بتقعد تدخل الحاجات الغريبة د جوة و لا بتعمل ايه, انا بفكر اشيله ببنج عشان انا اصلا بخاف اوى اوى بترعب
قولولى ايه رايكم اعمل بنج و لا مش محتاج لان الدكتورة قالتلى 400 جنيه لو هشيله ببنج
فيدونى ارجوكم و ربنا يكرمها كل واحدة ترد عليا
توتة كتكوتة توتة كتكوتة فتكات رائعة Fatakat 385094 القاهرة – القاهرة
سبحان الله و بحمده