السلام عليكم ورحمه الله وبركاته
اخواتى فى الله ،انا بلاقى هنا مواضيع كتير لبنات ازواجهن عندهم مشكلات فى الحيولنات المنويه..(سواء العدد ،الحركه،التشوهات)وغيرها
وانا زوجى بيعانى من الموضوع ده وجربت حجات كتير جدا،،،ولكن
خلونى انقل لكم اللى استفدت منه من خلال تجربتى ومن خلال متابعتى للبرمج الطبيه فى التلفزيون عن المشكلات دى
بعد فتره من الزواج واحده تقلق من موضوع تاخر الحمل،المفروض ان احنا ندور على الموضوع ده بعد سنه على الاقل من الزواج(وطبعا انتم اكيد كلكم عارفين ليه)،ويروح الزوج يحلل سائل منوى وقد يفاجأ بالعدد قليل جدا او اى مشكلات تانيه…
المفروض يا حبيباتى ان تحليل الزوج غير ثابت،واذا الطبيب المعالج قرر علاج معين للزوج يبقى المفروض الزوج يعمل التحليل كلا تلات شهور(ويكرر تلات مرات)يعنى التحليل يتعمل على مدى 9 شهور
لييييييييييييييييييه بقى،،،
لانه فى حاله لو العدد قليل المفروض الطبيب المعالج بياخد بمتوسط التلات تحاليل
طب لو برضه لسه العدد قليل بعد علاج تلات شهور ايه العمل؟؟؟
شوفوا انا هقول لكم على موضوع للاسف اغلب الدكاتره مش بيطلبوه من الزوج
بل ممكن بقولوا لازم تعمل عمليه وتشيل الدوالى (ان وجدت)علشان العدد يكتر
تحليل Fsh يا جماعه اى واحده زوجها حلل ووجد العدد منخفض بصوره كبيره
لااااااااااااازم يعمل التحليل ده،الهرمون ده زى ما هو موجود عند الستات وبيدل على مخزون المبيض من البويضات،فهو عند الرجاله بيدل على قدره الخصيه على انتاج الحيوانات المنويه
لو الهرمون ده مرتفع عند الستات يبقى مخزون المبيض من البويضات بدأ يقل ،ومن علاماته بد اضطراب الدوره الشهريه،ولحد الان العلم لم يتوصل لحل للموضوع ده،يعنى ملوش علاج لو ارتفع
وكذلك عند الرجاله لو الهرمون ده ارتفع يبقى الخصيه قد ياتى عليها وقت تكون فيه غير قادره على انتاج حيوانات منويه
وبرضو الهرمون ده لو ارتفع عند الرجاله ملهوش علاج حتى الان
لذلك نصيحتى لكل البنات
قبل زوجك ما يفكر يعمل عمليه الدوالى
قبل زوجك ما ياخد اى علاجات لزياده العدد،،سواء وصفات طبيعيع او علاجات طبيه اخرى
لو زوجك بياخد علاجات من مده طويله وبدون فايده،،
لازم يحلل هرمون ال Fsh لو طلع لا قدر الله نسبته عاليه
يبقى خديه نصيحه منى لوجه الله،،،جرى على مركز لاطفال الانابيب لتجميد عينه سائل منوى
وعرض حاله الزوج على طبيب ثقه ومعروف.
لو عجبكم الموضوع قيموه
وعاوزه منكم دعوه كده حلوه ان ربنا يتمم حملى على خير واقوم بالسلامه انا وابنى.
موضوع اخر هاااااااااااااام ذو صله،وده اللينك بتاعه
…***تجمع السيدات اللاتى يعانى ازواجهن من مشكلات فى الحيوانات المنويه***…
sokkar nabat sokkar nabat 202434_55.gif Fatakat 202434 ♥♥حضن جوزى وابنى حبايبى♥♥ربنا يخليهم لى ويبارك لى فيهم♥♥ – ◘◘بيتى اللى هو مملكتى الصغيره◘◘