ازيكم يا فتوكات انا حامل في الشهر التاسع دلوقت وهكمل الاسبوع ده نص الشهر
انا ولدت ابني الاولاني قيصري بسبب ان الطلق كان شغال والدكتور علقلي طلق صناعي وفجر كيس الميه وقعدت على الوضع ده ساعتين والدكتور خاف على الجنين ومفيش ميه حواليه ففتحلي قيصري
المهم انا طبعا تعبت جددددا بعد الولادة وكمان وقتها كنت ساخطة وناقمة بس الحمد لله ربنا رزقني بالرضا وحمدت ربنا على النعمة اللي انها فيها
انا المرة دي حامل ونفسي اكمل التاسع للاخر واخد فرصتي ف الولادة الطبيعي واكمل الشهر التاسع للاخر لعدة اسباب
اولا عدى على ولادتي الاولى 3 سنين فالحمدلله الجرح لئم ومفيش مشاكل ممكن اواجهها
ثانيا بكمل دراستي وداخلة على امتحانات كمان اسبوعين وخايفة الجرح يتعبني خصوصا ان كليتي ف محافظة تانية وبسافر
عندي ميل لاني اسمع كلام الدكتور اللي طبعا وجهة نظره اننا نفتح بمجرد مانص التاسع عدى وده برده لعدة اسباب
خايفة استنى لاخر التاسع واولد قيصري زي ماحصل مع ابني وساعتها هكون ف الامتحانات فعلا وهتبقى ماساة بالنسبة
خايفة مع حركتي الكتير النونو يلف الحبل السري حواليه او حاجة تحصله
انا محتارة جدددددا
انا بحكيلكم لاني نفسي بجد تدعولي انا تايهة بين اني اكمل الحمل للاخر واني اخد فرصتي ف ولادة طبيعي واني ماتعبش ف الامتحانات وان النونو يبقى كويس
ادعولي بالله عليكم ربنا ييسرلي الخير ويرزقني بولادة سهلة ومريحة قيصري او طبيعي اللي فيه الخير ربنا ييسرهولي
بس ماتعبش جامد بعدها زي ماتعبت ف ولادتي الاولانية
farkooka farkooka 241098_3.gif فتكات هايلة Fatakat 241098 الاسماعيلية بس بورسعيدية أصيلة – مصر