السلام عليكم على كل الفتوكات القمرات بتمنى لكم كلكم السعاده والصحه حبيباتى حبيت اقوالكم على حاجه حصلت قسما بالله كل غرضى من الموضوع اقوالكم خلوا بالكم من فتره وانا تعبانه جدا وعندى التهابات وعشان انا جبانه وبخاف من كشف النسا والولاده ده وبكرهه بالاصح فضلت اقاوم ومكنتش عايزه اروح وكالعاده لما تعبت قوى روحت وانا زى الاموره دخلت على الدكتوره الشكل يقول بتتقى الله المهم كشفت عليا بمنتهى الوحشه والمتنى جدا وادتنى تعبيرات وجه انا هموت بعد ساعتين مثلا وقالت لى ايه يابنتى ده اللولب عامل لك بلاوى كتير جدا عامل لك قرح فى عنق الرحم والقرح دى لازم تتكوى عشان مخاطرها كتير جدا ومن الاسباب اللى بتؤدى لسرطان عنق الرحم هى تقول كده وانا أعيط المهم ولازم أشيل الولب ده حالا وهوب شالت لى الولب وموتتنى تقريبا من الوجع لدجه انى مبقتش قادره أمسك نفسى من العياط ومصممه تعمل لى عمليه الكوى وفضلت قسما بالله سايبنى بمنظار الكشف وقعدت على مكتبها وانا أيه وانا أعيط لدرجه من كتر ما أنا عايزه اهرب منها قلت لها معلش يادكتوره انا مش عامله حسابى وهجى بكره وبرده تقولى طيب اعملها لك وهاتى الفلوس بكره اخر ما زهقت قلت لها لازم اقوال لجوزى مقدرش اعمل حاجه من غير ما اقوال له وسألتها يادكتوره انا ممكن اركب اللوب تانى أمتى قالت انا مبركبش اللولب بقولها ليه قالت دى معتقداتى اعملى العمليه معايا ولو عايزه تركبى شوفى مكان تانى وخرجت من عندها الدنيا فى عينى سوده بقا انا بترعب من الكشف بس اروح اعملى كى وكمان ببنج موضعى المهم قضيت اليوم كله عياط وبعدين ربنا هدانى انى أوصل للدكتوره اللى ولدت عندها ولادى الاتنين واليكم الصاعقه اول لما حكيت للدكتوره بتاعتى وقلت لها على اسم الكتوره قالت اه عارفها دى نصابه والله العظيم وقالت لى كل اللى الدكتوه قالتهولى وكأنها كانت معانا وقلت لى مش انتى أول واحده اعرف انها عملت معاها كده ودى بتقول على اللوب انه وسيله غير اداميه وبرده تعالى نكشف ونطمن وطلعت كشفت وأقسمت بالله ان مفيش اى حاجه من اللى الدكتوره قالت عليها كل الموضوع ان الالتهابات زياده شويه وقلت لى مكنش المفروض اصلا تشيلى اللوب المفروض نعالج الالتهابات اللى موجوده وفعلا ادت لى مضاد حيوى ومضاد للالتهاب ومسكن ودوش مهبلى وان شاء الله أتحسن عليهم نصيحه لكل واحده فيكم اوعى تسمعى كلام اى دكتوره الا وانتى واثقه فيها ولو شكتى أسألى دكتور تانى تخيلو بما انى معنديش قرح فى عنق الرحم كنت هتكوى لى ايه يارب تكونوا كلكم بصحه وسعاده ومعلش لو طولت عليكم بس أدعوالى ربنا يشفينى وسلام لاحلى فتوكات
كركو كركو 371437_5.gif سوبر فتكات Fatakat 371437 مدينه السلام – القاهره
سبحان الله و بحمده