السلام عليكم و رحمه الله و بركاته
من فتره كانت فى فتوكه بتسئل عن الحمل الغزلانى انها سمعت عنه و انا لما قريت الموضوع استغربت و قولت سبحان الله , تعالوا بقى اقولكوا اللى حصلى
الشهر اللى فات البريود جاتلى فى معادها عادى جدا بس من غير وجع اوى و الكميه كانت قليله اوى قعدت كده 3 ايام فانا قولت يمكن من البرد مش عايزه تنزل اوى و خلاص اتطهرت و عشت حياتى عادى جدا بعدها باسبوع مثلا كان جوزى مسافر و انا عند مامتى نزلت عليه نقطه دم تانى !!! استغربت اوى و كان عندى مغصه كده قمت مكلمه الدكتور بتاعى و روحتله على طول و الغريبه انه طلب منى تحليل حمل فى الدم!!!!! و فعلا طلعت حامل الحمد لله فى اول الاسبوع الخامس !!! بس برضه الحمد لله من غير اسباب بعدها بيومين نزل من غير اسباب الحمد لله غير اراده ربنا طبعا. و ده كان اول حمل ليه فى سنتين و نص جواز.
انا حبيت بس احكيلكوا علشان تاخدوا بالكوا على نفسكوا و يا ريت تدعولى ربنا يعوضنى بالخير و يرزقنى بالذريه الصالحه انا و كل مشتاقه يا رب.
emmy_mody emmy_mody فتكات نشيطة Fatakat 545148 Alex – Egypt
سبحان الله و بحمده