احبائي اخباركم ايه يارب تكونوا بالف خير يارب وربنا يرزقكم جميعا الذريه الصالحه
انا زى ما المعظم عارفنى بتاعه موضوع تكيس شديد وضعف تبويض وتضخم فى المبيض وبطانه رحم رقيقه وانبوب فالوب واحد المهم انا دورتى بقالها شهرين بتيجي على 30 يوم وهى فى الطبيعي مش منتظمه بس الشهر اللى قبل اللى فات كانت 30/12 والشهر ده 30/1 ومستنيه دلوقتى الفرج المهم مطولش عليكم من امبارح وانا حاسه ان البريود هتيجي ادخل الحمام مفيش حاجه الالام فى الفخد وفى الظهر بس وساعات مغص بس على خفيف المهم النهارده بقي حاسه احساس وحش وانى عايزه ارجع مش عارفه ليه مع انى يوم الجمعه اللى فات كنت فى الملاهى ولعب لعب وركبت الاعصار والدوامه وبهدلت نفسي لانى الشهر ده ماخدتش اى ادويه ولا منشطات قلت اريح وكمان دكتورى مسافر ويوميها رجعت ترجيع فظيع المهم تفتكروا السبب ايه ؟؟؟؟
انا باخد سيدوفاج علشان التكيس والحمد لله نتيجه التحاليل بتقول انه قل والحمد لله ولسه مجبتش نتيجه تحليل التبويض لان عندى ضعف اباضه ولسه عامله اشعه صبغه وطلع عندى انبوب واحد بس عيب خلقي سبحان الله
تفتكروا يا بنات ده ايه عادى ولا مش عادى ؟؟؟؟؟؟؟؟؟؟؟؟؟؟يعنى حمل ولا مش حمل انا عملت تحليل منزلى امبارح وتحليل النهارده والاتنين سالب تفتكروا السيدوفاج ممكن ينظم دورتى بمان هرموناتى اتظبتت شويه ولا ايه ؟؟؟؟؟
هى دورتى كانت قبل الجواز منتظمه على 30 يوم ودلوقتى رجعت بقالها شهرين من غير منظم على 30 يوم نسيت اقول ان عندى صداع فوق حواجبي كده وكمان من يومين كنت بحس بنغزات غريبهفى بطنى من تحت معرفش ده ايه ؟؟؟؟؟؟
ادعولى يا بنات بال ذريه الصالحه
pocy2016 pocy2016 فتكات رائعة Fatakat 261818 جهراء – كويت