السلام عليكم فتوكااااااااااااااااااااااتى
آخر إختراعاتى لحرق الدهون هى الرقص على المشايه
ما تستغربوش …. آه الرقص على المشايه الكهربائيه
هو الموضوع جه بالصدفه بصراحه
أنا بألعب على المشايه و أنا بأسمع قرآن أحياناً…. و ساعات و أنا بأتفرج على قناة فتافيت ههههههههه … آه بألعب رياضه و أنا بأتفرج على الأكل
و غيره … بس بيبقى فيه ملل
قولت أجرب الموسيقى الشرقى … لقيت وسطى بيلعب لوحده و أنا على المشايه …
يعنى تمشى على المشايه مثلا ساعه أو ساعه الا ربع منهم ربع ساعه رقص على المشايه
بس تمسكى كويس بإيديكى و تحركى وسطك جامد يمين و شمال و إنتى بخطوات المشى
و وسطك يمشى مع الموسيقى كأنك بتقسًمى
(( حركة التقسيم فى الرقص الشرقى )))
و لما الموسيقى تبقى سريعه سرعى حركات وسطك جدا يمين و شمال
إحدفى الوسط جامد يمين و بعدين جامد شمال )))
يعنى كأنك بترسمى حرف 8 بالإنجليزى بس بالجنب
و لو عايزه تعملى حركات مياصه مفيش مانع بقى ما هو رقص شرقى مش مهمه عسكريه
و إستمرى على كده حوالى ربع ساعه متواصل كل ده مع عدم توقف حركة الأرجل
حتلاقى نفسك حرقتى جامد جدا و حتلاقى الوقت مر بسرعه و بدون أي ملل ….
يعنى حرق أكثر فى وقت أقصر مع عدم الشعور بالملل و كمان الحركه دى بتنحت الوسط جدا
على فكره جوزى شافنى و أنا بأعمل كده قال لى حتى المشايه خليتيها مايصه ههههههههههههه
يا للا اللى عندها مشايه كهربيه تعمل فكرتى دى و تدعى لى … بس بقول تانى إمسكى المشايه كويس بإيديكى …
أنا ماليش دعوه بقى واحده تندمج فى الرقص أوى تقوم رافعه إيديها لفوق لزوم التقسيم ههههههههههه
تقع و تتسحل لا قدر الله
… انا ماليش دعوه أنا حذرت …. الطريقه دى بتحرق أكتر و تنحت الجسم
يا رب أكون أفدتكم …. بااااااااااااااااااااااااى
**لؤلؤه** **لؤلؤه** 100813_46.gif فتكات ست الكل Fatakat 100813 القاهره – مصر