السلام عليكم ورحمة الله وبركاته
.
.
لا بقا ما انتوا لو مساعدتونيش هتهور وافجرلكم المدونة لما ربنا يدينى الصحة يعنى ان شاء الله انا وكل المسلوعااات
انا اتقالى
عصاية
قلم رصاص
سحلية
عمود نور -والله انت اللى منور ياحاج-
زرافه
ممممم وايه تانى ياربي المهم يعنى خدوا من الأوصاف دى كتير
انا وبلا فخر طولى 171 سم
الوزن بقا اديلو ادى بتاع 53 كيلو ولما بزيد يعنى وربنا ينفخ ف صورتى ببقى 55 عندى 20 سنة
وزمان لما وزنى كان 62 كنت موزة المزاميز ياخراشى عليا هههههههههه
طبعا وزنى مش مناسب خااااااالص وخصوصا بقا اسمعوا الحتة الجاية دى هتعجبكوا انا عارفة
انا جسمى من فوق مش عارفة اقولها ازاى بس امكانياتى تؤهلنى بشدة احم احم
انما الرجلين مفيييييييش الجزء العلوى يعنى بصريح العبارة مفيش ارداف وفى لغة أخرى Hips أو Butt نوهائى يابنات
على الرغم من ان رسمة جسمى حلوة انما للاسف طبعا خاسة جدا بقالى سنتين كدا ومش بزيد والكلام والتعلقات والقرف ده غير عدم رضايا عن نفسي لوحده خلانى جبت اخرى
المهم انا هروح باذن الله لدكتور تغذية بعد ماتحاليلى طلعت فله ومعنديش مشاكل بس انا طمعانه ان البنات هنا يساعدونى مبدأيا لان العريش ربنا يكرمها الدكاترة فيها شاحّيين ف السووق والدكتور الوحيد بتاع التغذذية المعروف بيأكل اللى اعرفهم وبيروحوله 13 رغيف ف اليوم وده حاجه لا يستوعبها بشر ولا بنى آدمين وصعب جدا -_-
انا جربت جروث فورميلا اووووع بالشيكولاته مرة واحده فقط حطيته ع عصير ومستحملتش الطعم ولو فى حد عنده طريقة اعمله بيها يبقى طعمه عدل يقولى احسن ده مكانش شيكولاته خالص ده كان بيبّى بقا م الآخر
فَــــــ
ياريت اللى عندها تجربة تقووول
واللى عندها وصفات مفيش مانع
واللى عندها نظام غذائى لطيف اووووك
واللى هتدعيلى ربنا يكرمها يعنى
انا عاوزة اتخن 7 كيلو بس ,, وياريت لو فى وقت قليل قبل مارمضان يخلص عليا اكتر ما انا
بصوا اى حاجه انا قابلة بيها المهم انكم تساعدونى مش هشحت اكتر من كدا عشان ادعيلكم تخسوا بقا >_<
loozo loozo 604922_3.gif فتكات متميزة Fatakat 604922 asln nset – Egypt