السلام عليكم ورحمة الله وبركاته
امبارح اشتريت Lipo-6 Black Hers Ultra Concentrate والحقيقة حبيت اجربه عشان لقيت الناس بتقول عليه رووووعة في التخسيس و يجنن، بصراحة من امبارح للنهاردة فعلا حاسة بفرق في الشهية ومش باكل كتير، بس المشكلة في حاجة… انا اشتريته من الصيدلية بمبلغ 350 جنيه و كنت بعاند نفسي الحقيقة لاني عايزة اخس بأي شكل ومش عارفه اعمل ايه لاني عملت كل حاجة ومافيش فايدة، برغم اني عندي ارتجاع في الصمام الميترالي و غلط عليا اخده وفعلا حسيت بشوية ضغط عالي و تعب خفيف في اول يوم وتاني يوم اللي هو النهاردة حاسة اني افضل شوية، الدكتور بتاعي قال لي وقفي الدوا ده لانك غلط تاخديه و انا عندي المشكلة دي في القلب و للأسف دلوقتي انا استعملت منه حبايتين بس واتدبست في باقي العلبة ومش عارفه اتصرف ازاي بعد ما الدكتور قال لي وقفيه، لانه حقيقي غلط على اللي عندهم مشاكل في القلب او الكبد او الكلى او السكر او اللي عندهم ضغط او اكتئاب
انا عندي اكتئاب و ارتجاع في الصمام الميترالي..
دلوقتي مش عارفة اتصرف، كلمت الصيدلية ارجعه ولو حتى اخسر فيه شوية قالولي مينفش لانه اتفتح
وبيني وبينكم ربنا والله العظيم اقسم بالله انا معايا الفاتورة اللي اشتريته بيها امبارح و علبة الدوا زي ماهي مش ناقص منها غير حبايتين
بس والله يا بنات بيخسس بشكل رهيييييييييييييب وفي ناس كتير اوي جربوه لقوه انه هايل، وانا هتجنن واكمله بس الدكتور منعني ومش عارفه اعمل ايه؟؟؟
عشان كده قلت اقول لكم يمكن حد يحب يشتريه مني حتى ولو نتفاهم في السعر شوية مافيش مشكلة لاني فتحته و اخدت منه حبايتين زي ما قلت لكم امبارح والنهاردة و ملحقتش اتهنى بيه
وبيني وبينكم ربنا .. واللي عايزه الدوا ممكن تراسلني ع الخاص ونشوف ممكن نعمل ايه ولو مش عايزين خلاص انا عارفه انه ممكن يكون صعب حد يثق في حد كده بس انا بعامل ربنا وهو أدرى من اي حد وهو اعلم و ربنا ييسر لي بيعه بقى او اي حاجة لاني خلاص محبطة جدا
حتى يا ربي الدوا الوحيد اللي لقيته رهيب وبيخسس بشكل مش معقول … اتمنعت عنه
يالا ربنا كبير بقى هعمل ايه
ادعولي يا بنات ومنتظرة لو في واحده تحب تاخده مني انا في القاهرة ونتفق على الخاص و ربنا يسهلها بقى
منار_الطريق منار_الطريق images/lettersavatars/M_c.gif فتكات هايلة Fatakat 30975 القاهرة – مصر