السلام عليكم اخواتى الفتوكات باركولى انا خلاص اشتريت الاوربتراك وحقولكم لفيت فين واستقريت على ايه
انا نزلت ابو الجوخ فى شارع الجمهورية وكنت عايزه 100كجم مش اكتر كان عامل 1050 ج بس مالقتهوش عندهم وواضح انه لسه ماجاش لانهم قالولى مش قبل شهر ونزلت شوارع ناحية عابدين فيها كل محلات الاجهزة التعويضية وبيبيعوا اجهزة رياضية وبصراحة ماقتنعتش بولا واحد خالص واسعارهم من 1000 وانتى طالعه انا كنت عايزة الاوربتراك الماجنتيك وكان نفسى فى واحد مش صينى بس للأسف مالاقتش وشاكيت فى اللى قالوا لى ان فى عندهم تايوانى بصراحة مابقاش في ثقة فى اى حاجة ، المهم رحت بعدها لشركة كايرو سبورت فى مصر الجديدة ولو حد عايز يروح لها ينزل محطة حلمية الزيتون ويعدى السلم وياخد الترام او تاكسى لشارع هارون الرشيد عند المدرسة الانجليزية همه قدامها رحت وسألت بس مالقتش عندهم الجهاز معروض كان عامل 1300 ولسه بأتكلم قالى 1250 ومصاريف شحن 100 ج لانى ساكنه فى حلوان. سعره مش وحش بس انا باخاف اشترى حاجة مش شيفاها بس الراجل قالى شوفى ميعاد تانى وانا حكون مجهز لك الجهاز وممكن اخده فى تاكسى واوفر الشحن بس هيه هيه
استنوا حقولكم اشتريت منين
doda2020 doda2020 183147_2.gif فتكات متميزة Fatakat 183147 حلوان – مصر