السلام عليكم ورحمة الله وبركاته
ازيكم يا فتوكاتي يا حبيباتي
من زماااااااااااااان ما دخلتش القسم ده
لاني بصراحه فقدت الامل خااااااااااااالص في اني اخس الكام كيلوا اللي انا زيداهم دول
وخلاص بحاول اتأقلم عليهم وكمان بحاول اجبر جوزي انه يتأقلم هو كمان ولو مش عاجبه هوحر
كل لما يجي يقولي اننتي تخنتي علي فكره ؟؟؟؟؟؟؟؟؟؟؟ رجاله مش بتفهم في السينس
اقوله اصلي برضع !!!!!!!!
مع العلم اني فطمت ابني من اكتر من شهر
بس بصراحه الموضوع مزعلني اوي بيني وبينكم يعني انا مش بحاول ابينله كده لاحسن الراجل ما هيصدق يلاقي حاجه يشمت فيها
مش عارفه اخس خالص الكام كيلو دول
ومش عاوزه برضه حد يقولي ما تاكليش ولا اروح لدكتوره تقولي نظام غذائي
لاني عمري ما عملته ولا ناويه اعمله الصراحه
مش عاوزه اكون مقيده بطريقة اكل وانواع معينه من الاكل وكده يعني
حاجه تزهق انك ما تاكليش اللي نفسك فيه
واللي يزهق اكتر انك بعد ما تحرمي نفسك وتخسي وتسيبي الرجيم بترجعي تزيدي تاني
يبقي ايه لزمته الحرمان
ففي يوم من الايام وانا بتمعن في نظام اكل كنت شفته علي النت
لقيت النظام عباره عن
ربع مش عارفه ايه
كام معلقة ايه
ومش عارفه من كل حاجه حاجه واحده بس
الصراحه جالي احباط
واذ فجأة اللمبه نورت ؟؟؟
وفكرت ليه ما اعملش رجيم بس ابدأ من العكس
يعني ايه
انا اقولكم
ادوني عقلكم وامشوا حافييين
بس محدش يمشي علي البلاط
مش كل نظام
يقولك ربع رغيف
طيب ليه انا ما اكلش رغيف الا ربع او اني اقسم الرغيف 8 مثلثات وكل كام يوم اشيل منه مثلث واهو بكده هوصل اني اكل ربع رغيف بس
يقولك 10 معالق رز
طيب ليه انا ما اكلش الطبق بتاعي الا ال10 معالق دول
وهكذا
افضل يوم ورا التاني اشيل من اكلي مع الاحتفاظ بيه وبعد كده يكون نظام حياه
مش اصدم نفسيتي كده علي طول بربع رغيف
ده حتي يبقي مش كويس علي عقلي الباطن
ده انا باكل ال5 ارغفه لوحدي
اصلي برضع ههههههههههههههههه
انا بقالي اسبوع مجربه الموضوع ده
وبصراحه مرضي جدا بالنسبه ليا
حاسه ان ابتدا يكون عندي قناعه باكلي واهو بيقل لوحده من غير ما احس اني مجبره
وحاسه كمان اني بقيت اخف
بس لحد دلوقت وللامانه ما وزنتش نفسي ومش هاحاول اعمل كده دلوقت
لان انا اصلا مش زايده كتير كل الحكايه 4 او 5 كيلو
انا بس حبيت اقولكم فكرتي
يارب تعجبكم
في رعاية الله حبايبي
عمر نور عيني عمر نور عيني 511722_1.gif فتكات هايلة Fatakat 511722 كفر الشيخ – ام الدنيا