موضوعي أنهارده بيتكلم عن حاجه محدد
هو أحنا ليه مش بنطهر جسمنا
هقولك ازاي ويعني ايه
طول الاسبوع ايه أكلنا
خضار ورز ومكرونات وصواني في الفرن
وطبعا كله بالزيت او السمن ومعظمه فيه لحوم أو طيور
طيب وفيها ايه يا بت يا مسك
فيها كثييييييييييييييييييير
وكثير قووووووي كمان
تعالي اقولك ايه الحميه اللي أتبعتها مع نفسي
قررت الاتي
عشر أيام من كل شهر مافيش لحوم ولا دهون
أزاي يا بت يا مسك
أنا عملت الأتي
كنت عايزه أعمل رجيم وقريت عن كل الأنواع الكميائي والسوائل وكل نوع حرمان وليه مخاطر
فمشيت نفسي عن نظام يجمع ما بين عده أنواع من الرجيمات ومش هيحرمني
وكمان مش مسمياه رجيم دا بقه ليه أسم أجمل علشان كلمه رجيم دي بتكسل الواحد
فقررت أسميها تطهير للمعده
ودي الخطوات
أنا باكل كل يوم صنف بجانب خضار ونص رغيف
يعني مثلا هاكل بطاطس مسلوقه بدون ملح كمون بس
في الفطار بشرب على الريق شمر وبعد كده باكل بطاطس قد ثلاث وحدات
اجي على الغدا نص رغيف كده ومعاه برضه قد ٤ وحدات بطاطس
على العشا بطاطس مع خيار وطماطم ولو في عرقين جرجير أو خس
وأروح عامله جنزبيل بالقرفه وبدون سكر .. أنا متعوده أشربه كده وبحبه كده ..
نيجي لليوم التاني اللي هو أنهارده أنا عملت شوربه خضار على ميا
يعني جبت بطاطس وكوسه وجزر وبسله وبصل
قطعت البصل مع الجزر مع البسله وخدو غلوه ورحت نازله بالكوسه والبطاطس
وحيقت الميا وحطيت كمون وروزماري وحبهان ومستكه ليمون
بدون زيت بدون دهون وفطرت منها وبعدها رحت شاربه عصير الليمون بتاعي
وده الوحيد اللي بشربه بسكر باقي المشروبات بدون سكر
يوم بقه هناكل فاكهه ٣ موزات ٦ برتقالات وبالليل سلطه او شويه خضره
انا بحب الموز بالعيش فوجبه الغدا هاكل الموزه بنص رغيف بس
معظم الايام هاكل فيها شوربه خضار
المهم
أن الزيت واللحمه والدهون مش هتخش جسمي
بعد العشر ايام بقه جسمي هيكون أتعود أنه ياكل أكلات بسيطه
لأني دايما بحبس بسوائل وبتشبعني وتملا بطني
في أخر يوم بقه هكافأ نفسي بسمك مشوي وبرضه نص رغيف
وباكو شوكولاته كمان
تخيلي معدتك هترتاح من المسبك والدهون واللحوم والزيوت
لمده عشر ايام
ومن خلاله هنعود جسمنا على نظام جميل في الاكل
تعالي أنتي وهي رايحه فين
التقييم يا حلوين
يارب اللي تقيملي تشوف الرسول في المنام
ختامه مسك ختامه مسك 496190_111.gif فتكات ست الكل Fatakat 496190 cairo – مصر