السلام عليكم ورحمة الله وبركاته
اخواتى الفتوكات كلنا طبعا بنعانى بعد مابنوصل
للوزن اللى احنا عاوزينه ونكون خسينا وحيلنا اتهد
وبعد مانوصل اللى يقول مفيش تثبيت واللى يقولك
عشان تثبتى فى اجهزة بتساعد على كدة
انا انهاردة حبيت اشرحلكم الموضوع بطريقة بسيطة
عشان لو واحدة مش عارفة اهى تبقى فهمت وعرفت
وتقدر تحافظ على الوزن اللى وصلتله لانى مقدرة الذل
اللى بنشوفه وطلوع الروح كمان
معلش سامحونى رغاااااااااااااااااااااية كفاية رغى
طبعا كلامى ده للناس اللى خلصت دايت خلاص ووصلت
مش الناس اللى لسة بتخس وبتعمل انظمة
لما يخلصوا يبقوا معانا ان شاء الله
طيب ايه الموضوع ؟؟؟؟؟؟؟؟؟؟؟
لازم كلنا نفهم ان كل كيلو فى جسمنا محتاج 20 سعر
يعنى ايه ؟؟؟؟؟؟؟؟؟؟؟؟؟؟؟
يعنى لو واحدة وزنها 60 كيلو تاكل اكل يحتوى على 1200 سعر
طيب ولو واحدة 65 تاكل اكل فى حدود 1300 سعر
واحدة وزنها 70 تبقى محتاجة 1400 سعر وهكذا
تضربى وزنك * 20 يطلعلك عدد السعرات الحرارية
اللى جسمك محتاجها
واحدة تقولى يعنى ايه الكلام ده ؟؟؟؟؟؟؟؟؟
يعنى يافتوكاتى كل واحدة لو اكلت فى حدود السعرات دى
اللى تخص وزنها وجسمها عمرها ماهتتخن تانى
وهتقدر تحافظ على نفسها بأمر الله
ممكن فتوكة كسلانة تقولى وانا كل ماهاكل حاجة هحسب
اه ياحبيبتى احسبى اللى خلاكى تتعبى روحك وتعانى مع
الريجيم يخليكى تتعبى وتحسبى وتحافظى على جسمك
ومع الوقت والتعود انتى هتحفظى والله الموضوع مش صعب
نيجى للمهم احنا هنثبت ازاى ؟؟؟؟؟؟؟؟؟؟؟؟؟؟
بصى ياحبيبتى انتى بعد ماهتخلصى ريجيم ووصلتى
للوزن المطلوب هتبدأى اول تثبيت ب 700 سعر
ممكن فتوكة تقولى هو انتى مش لسة قايلة
كل كيلو له 20 سعر حرارى
هقولها ايوة طبعا بس انتى بقالك فترة بتعمل ريجيم واكلك قليل
مينفعش تصدمى الجسم بكل السعرات اللى محتاجها كدة
ممكن تزيدى واحنا مش عاوزين كدة
لا انتى هتبدأى ب 700 سعر اسبوع وتوزنى نفسك
ممكن تلاقى نفسك خسيتى حتى ولو حاجة بسيطة
لانك بتاخدى اقل من احتياجاتك بكتير تقومى تعيدى 700
سعر كمان الاسبوع اللى وراه
لقيتى نفسك برده بتخسى حتى لو جرااااااااااااااامات
زودى وخدى 800 وتتوزنى الاسبوع اللى وراه 900
طبعا كل اسبوع تتوزنى تشوفى وصلتى لحد فين
وتفضلى تزودى بشويش بشويش عشان الجسم يتعود
طيب مثلا واحدة وزنها 75 كيلو المفروض محتاجة تاكل
اكل يحتوى على 1500 سعر بس حصل وهى بتثبت
لما وصلت ل 1400 سعر زادت جرامات طبعا
كدة معناه انها عمرها ماتوصل ل 1400 دى دايما اقل
والا جسمها هيبوظ
هتقولولى تانى انتى مش قلتى كل كيلو 20 سعر
ازاى هناخد اقل من كدة ؟؟؟؟؟؟؟؟؟؟؟؟؟
هقولك 20 سعر ده للناس الطبيعية لكن طبعا
احنا لينا اوبشن خاص ههههههههههههههههه شوية
فمش مشكلة انك بدل ماتخادى 1500 سعر
تاخدى 1300 او 1350 سعر
اعتقد انه احسن مليووووووووون مرة من الحرمان اللى
احنا عايشين فيه
هتسألونى وتقولولى نحسب ازاى؟؟ فى هنا فتوكات
ماشاء الله عليهم ربنا يجازيهم خير عاملين جداول للسعرات
تقريبا لكل الاكل ولو مفيش انا هنزلكم ان شاء الله جدول
فى كل الاكلات حتى الاكلات اللى كنا ممنوعين منها فى الدايت
ايه ده هو احنا هناكل الاكلات دى؟؟؟؟؟؟؟؟؟؟؟؟؟؟
طبعا ان شاء الله هناكل كل حاجة ايوة متستغربوش
المهم اوى فى نظام التثبيت الكم مش النوع يعنى هناكل
كل حاجة كله كللللللللللللللللللللللللللللللللللللللللللللله
بس فى حدود سعراتنا المسموحة
جاتوه بقا وشيكولاتة ومكرونة بشاميل ورز معمر وكله
طبعا ممكن متكونش كميات كبيرة بس والله افضل من انه
يكون فى حرمان ومفيش اكل خالص
صح ولا لالالالالالالا؟
اللى عاوزة تثبت بقا متكسلش وان شاء الله هتحافظ على نفسها
ومش هتتخن تانى ابدا ابدا ابدااااااااااا طول ماهى شاطرة
وبتحسب ومش بتتجاوز سعراتها المسموحة
يعنى القاعدة الاساسية فى التثبيت هى ايه؟؟؟؟؟
مش مهم نوع الطعام المهم الكمية لازم متعديش المسموح
انا ياجماعة والله مش بقول كلام وخلاص لا والله دى حاجة
مجربة انا فاضلى 5 كيلو واثبت بامر الله واختى ماشاء الله
عليها مثبتة بقالها فترة كبيرة وبتاكل كل اللى هى عاوزاه
وبتغظينى عقبالنا جميعا يارب
اى سؤال انا تحت أمركم على العام او على الخاص انا معاكم
وربنا يوفقنا جميعا
لو فى اى حاجة مش مفهومة او اى استفسار من عنيا
وانا هرد عليه
لو الموضوع عجبكم ياريت التقييم ولو معجبكمش
ياريت اللى تدخل تدعيلى ربنا يكرمنى واخس اللى فاضل
ويجمعنى بجوزى عاجلا وليس اجلا
asooolaawy asooolaawy 243205_2.gif سوبر فتكات Fatakat 243205 بيتى مع جوزى حبيبى – فيصل- الجيزة – مصر