بسم الله
باختصار شديد و من غير لف و دوران جربت رجيمات كتير و كل مرة هما يومين و التالت و اضعف بس الوضع خلاص بقى صعب جدا و الوزن على طول في الزيادة
كنت رتبت اموري و مونت التلاجة منتجات البان عشان ابدا رجيم 12*12 اللي هو كانت كاتبة عنه غادة الصايغ و نفسي اجربه من زمان و لما دخلت قدرا على فتكات اتكعبلت كدة ف موضوع شبهة 15*15 و عجبني جدا ربنا يكرم صاحبة الموضوع بالخير و السعادة زي ما فتحت نفسي
ده رابط الموضوع https://fatakat.univanet.com/#5708365
نيجي بقى للمهم
انا عاملة الموضوع ده عشان اثبت نفسي عشاني ضعييييفة جدا و مبلتزمش في رجيم و الكتابة يوميا اعتقد انها هتلزمني شويةو اللي حابة تشاركني يبقى جزاها الله خير و اهو نتعاون مع بعض ع الخير
نيجي بقى للبيانات المحرجة
السن : 32
الطول : 157
الوزن : 116
بالله عليكم اللي وزنها قريب تشارك انما الامامير بتوع ال70 و ال75 فبالله عليكم بلاش تعقيييد احنا فينا اللي مكفينا
و نتوكل على الله يا رب ثبتني
الزوجة الأولى الزوجة الأولى 672572_1.gif فتكات نشيطة Fatakat 672572 العريش – مصر