السلام عليكم ورحمه الله
حوار ساخن بين النحفاااء و اصحاب الوزن الزائد..
وروووونا الهمة يارداااااااااااااالة
بصراحة انا زززززززززهقت وطهقت وعندى حقد دفييييييين ومتييييييين من اى واحدة رفيعة
امشي فالشارع الاقيهم حوليا فى كل مكان .. محسسنى انى انا للى سديت الشارع بالطول والعرض
اركب الميكروباص الاقيهم جانبي ويحسسونى انى مفيش مكان جانبي ممكن ياخد حد منهم
ادخل محلات الملابس ..( ونادرا ما يحدث هذا اصلا ).. وخلاص لقيت الموديل للى عاجبنى ولزق ف دماغى وافضل اقاوم الرغه للى جوايا انى اسال عليه وفالاخر اجى اسال .. يقولى: كلهم وان سايز
اكرره ذاتى نفسها وعنيا تسرح واقول يارتنى سمعت كلام ابله طمطم … وهيا بتقول … حرمت يابوجى
نفسي اغنى اغنيه
كان ياما كان جسمى مليان
واصبحت الان عووود خيزرااان
صحة ولياقة … خفة ورشاقة.gif)
بحقد عليكم يانحفاااااااااااء بحقد عليكم من كل قلبي
ـــــــــــــــــــ
لالا صلوا عالنبي كدا وامسكوا اعصابكم واقلعوا فانلة الاهلى للى لبستوها ع وشكم دى .. مش كدا اماال ؟؟ دى كانت شوية تهاييس وبفضفض بيها مع نفسي الله اللهم اخزيك ياشوشو
ــــــــــــــــــــــــــ
دا كان كلامى قبل ماانتظم فى فتكات واصبح شغلى الشاغل قسم الرشاقه وبعد تدقيق وتمحيص ف موضوعات القسم لقيت .. شكاااااوى ودماء عالاسفلت من مواضيع النحفاء للى بيصرخوا ويستصرخوا ان حد ينقذهم من للى هما فيه.. قلت فى نفسي .. وماله اخطى عتبه مواضيعهم وادخل ابص كدا من ورا الستارة
متزهقيش اوى كدا منك ليها .. سيبنى اتكلم وافضفض ع راااحتى
اخيرا هاشمت فى النحفاء ودخلت موضوع من المواضيع للى ما يسمى ( للنحفاء ) واتووووووووهمت
ياخبررر؟؟ معقوله دا .. دا انا كنت فاكرة ان قسم الرشاقه محدش بيدخلوا غيرنا ..(اصحاب الوزن الزائد) (المقلبظين اللذاذ للى كل املهم فالحياه انهم لما يبصوا لنفسهم فالمرايا يلاقوا الصورة للى ظاهرة قدامهم بتضحك لهم )
.. وبصراحه مسكت دموعى ع اخر لحظة واستغفرت ربنا عن الذنوب اللى اقترفتها فى حقهم وحاولت اكفر عن سيئاتى بدليل انى كتبت الموضوع دا ..
مقتباسات مما ورد ذكرها فالمواضيع:
"الموضوع ده انا بكتبه عشان اي واحده نحيفه وحاسه ان نفسيتها تعبتها من النحافه ومن التعليقات السخيفه…. "
انا كنت كتبت موضوع بعنوان (( اكتر موقف حصلك لاصحاب الوزن الزائد ) ودا عنوانه
https://fatakat.univanet.com/#476881
يمكن قابلتوه بس مدخلتهوش .. وياريت تدخلوه وتشوفوا بنفسكم تجارب الاخوات من اصحاب الزائد والمعاناة للى بجد حقيقه وقتها هاتقولوا الحمدلله (يعنى من باب للى يشوف بلاوى الناس قصدى للى يشوف تخن الناس وللى بيحصلهم بسببه يهون عليه رفعه
بس السؤال للى بيطرح نفسه ياترى النحفاء دول بيتعرضوا لتعليقات ايه للى ممكن تزعلهم وتجيبلهم احباط ف حياتهم ؟؟ ( ياريت حد من الاخوات يدينى مثال )
ــــــــــــــــــــــــــــــــ
ومن ضمن الجمل الطريفه للى وجدتها فالمواضيع الخفيفه الرشيقه مايلي :بجد بنات دمهم زى العسل
سوري الموضوع ده خاص للمساخيط السعاليك الزعازيع
ستوب يا تخينه يا مكلبظه انتى مش من المدعوين( بس انا دخلت بردوا اضربينى بقي (
تعالو بقى يا رفيعين .. عاوزين تخن بقى .. واللهزهقت حاسه اني مش هتجوز في حياتى
وناكل ونشجع بعض وكل كيلو نعمل عليه زغاريط وفرح ..
ان شاء الله ما نخرجش من الباب مش مهم ما احنا هنعمل رجيم بعدها .. اصل الرجيم دهسهل اوي اننا نخس .. انما الرفع ده صعب اوي يزيد
..)والنبي عاوزة حد من للى بيعانوا زيي يرد عليها ههههههه
ياجماعه بجد عاوزة اقولكم ان مواضيع النحيفات دى فيها كميه نصايح للتخن رهيبه ياريت للى عاوزين يخسوا يدخلوا يقرأوها ويبعدوا عنها هههههه ولا اقولكم عنيا حاضر هابقي اجيبهالكم هنا
بصراحه ياجماعه الموضوع الطويل العريض هدفه يتلخص فى :
1_ اننا نلاقي نقطة تقارب بين النحفاء واصحاب الوزن الزائد
واننا نبص للكوب من جميع الزوايا
صحيح فيه ناس بتموت من كتر الرفع وبيبقي مرض بس فيه ناس تانية بردوا بتموت من كتر التخن وبيبقي مرض بردوا
2- وبما ان النحيفات محتاجه تتخن .. وبطريقه طبيعيه .. يبقي اصحاب الوزن الزائد يقولوا ع العادات اللى بتسبب لهم زياده فى الوزن كل واحده من وجهه نظرها (ومن ناحيه تانيه دا هايكون سبب انها تعرف عاداتها السئية وتتخلى عنها )
3_ وبما ان اصحاب الوزن الزائد عاوزين ينحفوا يبقى الاخوات يفيدونا ويقولونا نظامهم ايه سواء فالاكل او تمارينهم الرياضيه
وياريت لو اى حد من الاخوات عندها اى افكار تقدر تضيفها عشان نستفاد
وبكدا نقدر نعمق العلاقات بين المفاصل والدهون والعضلات الشكيكة
وياترى من وجهه نظركم ايه الافضل من جانب السوء .
هل صحيح ان الانسان ذو الوزن الزائد فرصه فى النجاح والوصول لهدفه اكبر .. ام الانسان الرفيع فرصته اكبر للوصول للوزن المثالي ..؟
واين الرشيقاااااااااااات فى هذه المفارقه الغريبية بين الطرفين ..؟
مع انه قسم الرشاقه بس ما شفتش اى موضوع لواحدة رشيقه بتنصح غيرها او بتقدم لهم نصايح ..!!
محدثتكم / ايمان .. من قناة .. الداخل مولود والخارج مفقود
اتمنى اشوف تفاعلاتكم والا هاروح انتحروافضفض مع التلاجة ع راى احلى جروب نيولوك هههههههه
اتمنى نكون يد واحده وروح واحده لحد مانحقق ونوصل للى عاوزينه باذن الله
واعذرونى اذا كنت تخطيت على مشاعر حد فيكن من غير قصد
قطرالندى87 قطرالندى87 فتكات رائعة Fatakat 91867 cairo – egypt