مساء النور يا بنات أنا سارة بعمل ريجيمات من وأنا في ثانوي
مشكلتي إني بضعف جامد قدام الحلويات والجانك فود وطبعَا ده عامل لي مشكلة كبيرة أوي ..أنا بالفعل لقيت إن أكتر حاجة حتساعدني أخس
هي إني أشترك في جيم وأروح كل يوم ولو ساعة واحدة بس ومع الوقت حعرف إن مجهود الساعة دي اللي بتعب أوي عشان أعملها بخلصه
في حتة شوكولاتة واحدة ومع الجروب اللي هناك بدأت أتشجع أظبط أكلي بس لسة طبعَا ما وصلتش للوزن اللي عايزاه .
عشان كده قلت نعمل جروب مع بعضينا للبنات اللي إرادتهم ضعيفة نتجمع ونشجع بعض نكتب يومياتنا بحيث ده يخلينا على وعي باللي بناكله ومع الوقت نقلل منه .
قبل ما نبدأ عايزة أقول كذا معلومة مهمة
1. مش شرط تكوني تخينة عشان تعملي رياضة بجد الرياضة حتفرق جامد في مودك وحتحسن صحتك وضغط الدم وحتشجعك تخسي لإنك حتى لو لخبطتي شوية الرياضة حتزود الحرق عندك .
2. مفيش نظام ريجيم معين نمشي عليه اللي عايز يمشي لقيمات أو كل 3 ساعات أو سعرات حرارية أو صيام عكسي براحته
3. زي ما العنوان بيقول عارفين إنك عشان تخسي كيلو جرام دهون محتاجة تحرقي حوالي 9000 سعر حراري ! مجرد إنك تخسي كيلو دهون دي حاجة رهيبة ..مش شرط تنزلي كتير على الميزان بس مقاييس اللبس حتفرق معاكي جامد .
بس كده اللي عايز يشترك صدقوني مش مجبر يشوف الموضوع ويرد بس أهم حاجة بجد لو مشتركة في جروب تاني ما تشتتيش نفسك
ولو حتشتركي في ده لازم لازم تلتزمي باليوميات عشان نشجع بعض اتفقنا
يلا بينا =)
ميس اتيكيت ميس اتيكيت فتكات رائعة Fatakat 476252 . – مصر