السلام عليكم ورحمة الله وبركاته
كنت حاسة باحباط ودخلت القسم ده وبجد اتحمست .. قلت لازم اسجل بدايتي يمكن كمان احمس حد زيي معايا
وزني حاليا 71,5
طولي 162
هدفي الاول : 68
هدفي التاني : 65
هدفي التالت : 62
هدفي الرابع والاخير : 58
انا بقالي اخر اسبوعين تمر عليا ايام من تعبي مابكلش الا رغيف واحد بس طول اليوم
فحسيت معدتي صغرت وفرحت صراحة ..
قلت لازم بقى اصغرها اكتر ..
فقررت انه دلوقتي اعتمد اسبوع كامل على ريجيم سوائل ..
فقط سوائل .. عصائر طبيعية .. شاي وشايات اعشاب بدون ذرة سكر
شوربة بدون دهن بدون كربوهيدرات خضارر فقط ..
وانسب شوربة هي الشوربة الحارقة للموضوع ده .. اللي بتتكون من ملفوف وبصل وثوم وفلفل وممكن كرفس وطماطم
ده بالنسبة لاول اسبوع
تاني اسبوع هبدأ ريجيم قاسي برضه ده جدوله :
وجبة الإفطار في هذا الرجيم ثابتة طول فترة الأسبوع وهي عبارة عن كأسان من الماء وكوب من الشاي أو القهوة بدون إضافة سكر أو باستخدام أحد بدائله.
ثانياً: وجبتي الغداء والعشاء علي مدار الأسبوع.
(اليوم الأول والثاني)
وجبة الغداء: قطعة لحم بقري مسلوقة أو مشوية + طبق سلطة كبير.
وجبة العشاء: طبق سلطة فقط.
(اليوم الثالث والرابع)
وجبة الغداء: 2 بيضة مسلوقة + طبق سلطة كبير.
وجبة العشاء: طبق سلطة فقط.
(اليوم الخامس والسادس)
وجبة الغداء: علبة زبادي صغيرة خالية الدسم بمقدار 125 جرام + 2 حبة خيار.
وجبة العشاء: 2 حبة خيار فقط.
(اليوم السابع)
وجبة الغداء: 2 حبة تفاح أو أكثر حتى الشبع.
وجبة العشاء: 2 أو 3 حبة تفاح فقط
–
طبعا مع الريجيم انا باخد فيتامينات منوعة واوميجا عشان احافظ على شعري وكده لانه زي ماشايفين الريجيمات قاسية
ثالث اسبوع هبدأ بريجيم اخف شوية .. وهو المعروف تقريبا
فطور اما بيضة مع قطعة توست او جبنة منزوعة دسم مع توست وعصير او حليب
والغدا يتكون من بروتين + سلطة خضار
والعشا زبادي منزوع الدسم مع خضروات او فاكهة
ولسه ماقررتش ريجيم رابع اسبوع هيكون ايه
بعد كل اسبوع عندي يوم مفتوح هاكل فيه اللي عايزاه لكن الاهم بكمية معتدلة + بعد 6 مساءا مافيش لقمة تدخل فمي
–
اهم حاجة جنب اي ريجيم هو الرياضة
انا هعتمد على المشي من ساعة الى ساعتين يوميا
+ تمارين ايروبيك من اي فيديو جميل كده
وتمارين اكتر للزنود والبطن لاني بعاني منها للاسف
–
الماء مش اقل من 2 لتر يوميا .. وطبعا الى جانب الشاي الاخضر الزنجبيل
–
البداية الفعلية ليا هي اليوم .. لكن انا حاسبة نظامي بحيث اشوف هنزل كام من 20.12 لحد 20.1
واتمنى بجد بجد اني اقدر انزل على الاقل 10 كيلو او حتى 8 كيلو خلال الشهرين دول
بجد محتاجة تشجيع جامد منكم خايفة اخبص ..
ولو اي نصايح عند طرق سد الشهية او الاحساس بالتعب اثناء الريجيم ماتبخلوش عليا ..
او اي رياضة ممكن تشد اكتر
–
وقبل مانسى
قررت كمان مرتين اسبوعين او 3 مرات .. اعمل لي حمام مغربي عشان يكون في تنشيط دوري للجلد والدورة الدموية
بحيث الترهل الموجود يخف ومايزدش + بستعمل كريم شد ترهلات من جارنييه بعد كل استحمام
–
كده اانتهيت اللي تحب تجي معايا نتابع بعد ونشجع بعض مليووووون اهلا فيها
واللي عندها دعوة حلوة او تجربة او نصيحة ياليت ماتبخلش فيها
جانان.. جانان.. فتكات متميزة Fatakat 1143759 jedd – saudi