السلام عليكم ورحمه الله وبركاته
نصيحه مني لاي واحده رفيعه وبتفكر انها تملي شويه اسمعيني الاول واوعي تعملي كده
انا كنت طول عمري رفيعه كان بيضرب بيا المثل في الرشاقه لاني طولي حلو كنت لما احب اقول علي واحده رفيعه اوي كنت اقول دانتي ارفع مني وعمر ما زاد وزني عن 55 كيلو وكان ده وزن كويس جدا بالنسبه لطولي بس في حد الله يسامحه قالي انتي كبرتي لازم يبقي شكلك انسه بدل مانتي شكلك عيله ولو سمنتي شويه هتبقي مززه وشكلك هيليق مع طالبه في الكليه بدل مانتي شكلك عيله في الاعداديه
وزي الهبله سمعت الكلام واقتنعت ودورت علي فاتح للشهيه واخدته وكترت من الشوكولاته والاكل الجاهز والحاجه الساقعه
وبدات فعلا ازيد في الوزن مكدبش عليكو شكلي في البدايه احلو يعني زي مبيقولو بقيت مزهبس المشكله انك لما بتتعودي علي الحجات دي مستحيل تقدري تبطليها وده الي حصل معرفش ايه الي حصل زي متكون معدتي وسعت الاكل الي كان بيكفيني زمان مبقاش يسد جوعي نظام الاكل اتغير ومسيطرتش علي الزياده في وزني ودلوقتي بعد سنتين ونص من بدايه الموضوع ده وزني داخل علي 90كيلو وشكي اتغير تماما والي كانو بيسالوني انتي رفيعه كده ازاي بقيت انا الي اسالهم اخس ازايوبعد اما كنت انزل اشتري اللبس الي يعجبني وميهمنيش المقاس دلوقتي بعد بالاسبوع ادور علي حاجه تدخل فيا وطبعا حتي لو لقيت مبتبقاش شيك وحلو زي الي كنت متعوده البسه وانا رفيعه طبعا بحاول اخس الوقتي بس نفسيتي متدمره وزهقانه وندمااااااااااانه جداا انا بصراحه قلت انبه علي الموضوع ده لان مفيش احسن من الرفع اه نسيت اقولكو اني انا جالي دهون علي الكبد طبعا وسوء هضم وشويه حجات حلوه كده
صاحبه القصر صاحبه القصر 390788_2.gif فتكات هايلة Fatakat 390788 القاهره – مصر
سبحان الله و بحمده