السلام عليكم ورحمه الله وبركاته
أخواتى الغاليات قوى
أنا قرأت كتير من الموضوعات بالمدونة
وبجد موضوعات غايه فى الأبداع
وفيها عروض كتيره ونصائح بجد مفيده
لذا قررت اليوم أن أحكى لكم قصتى مع الرجيم
وقت زواجى أنا كنت 18 سنه يادوب 75 كيلو صحيح كنت مش رفيعه لآ كنت عاديه بالنسبه لطولى 165سم كان وزنى يتخطى المقايسات بشويه لكن كشكل عام معقول قوى
المهم مع حملى فى بنوتى ياسمين كان وزنى بيزيد بجد وبعد الولاده برجع أخس شويه لكن تقولوا لمين هههههههههههههه
وما بين كل حمل والثانى كنت بروح لدكتور مخصوص للرجيم
إبر صينيه و مغناطيس وأجهزة للذبذبات وكورس كامل للرجيمات بأنواعها
ده غير الأدويه المستورده اللى كنت بدفع فيها مبالغ طائله
كل القصه ده ما بين حملى فى ولادى الأثنين محمد وعبد الرحمن
لغايه ما زهقت من الرجيم والبهدله دى
وقررت أنى أنا كده حلوة وخلاص
وأنا ثقتى بنفس ماشاء الله فوق على طول
لا بيهمنى مين خس ولا مين تخن
المهم
عشت حياتى عادى جداً
أنا لى روتين يومى مافيش فطار بس فى غدا وعشا
أى موعد مش محدد يعنى ممكن أتعشى الساعه 5ص لو أتغديت متأخر علشان بصحى متأخر
مرت عليا كام سنه وأنا بالشكل ده
وشكلى زى ماهو مش بيتغير ده بالنسبه لى أنا أنما الحقيقه أنى كنت بتخن
أكبر وزن تعرضت له كان 113 كيلو ده فى الفترات الماضيه
المهم فى شهر 6 سنه 2024 تحديداً 14-6-2017 وقتها أنا كان عندى 32 سنه
كنت فى العجمى أنا والولاد لوحدنا زوجى كان بيجى لنا يومين كل أسبوع
المهم الساعه 2 ص الولاد عايزين يتعشوا طعميه سخنه
أخدتهم ونزلت وأنا بشترى الطعميه لقيت راجل ماشاء الله عليه سنه تقريباً فوق ال35 سنه واقف عند بتاع الطعميه وأنا بعت أبنى يشترى وهو أنا فضلت فى عربيتى لقيت الراجل جه يقولى لو سمحتى يا حاجه تتكرى بس شويه بعربيتك
أنا سمعت كلمه يا حاجه وقلت عادى مافيهاش حاجه ده إحترام منه
لقيته بيشكرنى فى الأخر ويقولى شكراً يا أمى
بجد الكلمة نزلت عليا صعقه أمى للدرجه دى شكلى كبر قوى كده ووقف عند أول صيدليه نزلت وزنت نفسى لقيت الوزن 120 كيلو
جارى التكملة
قيثارة النيل قيثارة النيل 75627_8.gif فتكات غالية قوي Fatakat 75627 الجيزة – مصر