ازيكم يابنات انا خسيييييييت الحمد لله
كنت 75 بقيت 72 في اربع ايام ومن غير ماامشي علي دايت اصلا .. انا سمعت عن الخميرة كتير وكتير قالوا بتتخن وناس قالوا بتخسس قولت اجرب عملت ايه بقي: بقيت باجيب مسحوق الخميرة الفوريه وذوبت نصه تقريبا في كوم لبن دافي ونص ملعقه عسل نحل ومعلقه قرفه بس لازم تدوبيهم كويس وبشربه عالريق قبل الفطار بحوالي ساعتين تلاته ملحوظه لاااااااااااازم قبل الاكل بفترة عشان لو بعديه الخميرة هتخنك خدي بالك لان الخميرة لما بتتاخد عالاكل بتخلي الاكل ينفش في معدتك انما لو علي معده فاضيه هي اللي بتنفش وتزيد في المعده وتسد نفسك انا ماشيه عليه بقالي 4 ايام والحمد لله خسيت 3 كيلو بس الفكرة انه بيحسسك بالامتلاء جامد وبيسد النفس يعني هتاكلي علي اد نفسك والاهم مش هتحسي انك جعانه اصلا ده غير نضارة البشرة وتحسن الجلد وتقليل الهالات السودا والله يابنات ادخلوا ابحثوا عن فوائد الخميرة وكميه الفيتامينات اللي فيها مش هتصدقوا بتعمل ايه في البشرة والشعر… بالله عليكم تدعولي اكمل واوصل لهدفي ال 60 وعلي ضمانتي بالله عليكم تجربوها زي ما وصفتلكم بالظبط وقولولي النتيجه ..
remooo123 remooo123 488390_1.gif سوبر فتكات Fatakat 488390 اسكندرية – lمصر